المدونة شعارها مصلحة الدولة اولا و طحن الرجل ثانيا ، نعطيكم مثالين باش تفهمو :
واحد الموظف خدام مع الدولة و عاطينو سكن العمل وعندو وليدات ، قدر الله مات ، كيخليو للزوجة و الاولاد نصف تقاعد الزوج (جوج دريال ) و كيقولو ليهم خرجو من السكن باش نعطيوه لموظف آخر ، و بمجرد زواج المرأة من جديد كيقطعو عليهم التقاعد بحجة جا راجل يصرف عليك معندكش الحق تشدي تقاعد الزوج الاول . ...
في عالم موازي نفس الموظف مع عائلته ساكن فشقة ضرب تمارة سنوات باش يشريها ، ناضت المرأة طلقاتو ، الدولة كتقول ليه ، الزوجة و الاولاد غيبقاو فالدار و نتا غتخرج ، وغادي تعطيهم نفقة شهريا و حتى ايلا تزوجت المرأة من جديد و جابت راجل يسكن فدارك و يربي ولادك غتبقا تصرف عليهم !!!
فالمثال الاول علاش الدولة لي هي دولة بكل امكانياتها متخليش دوك اليتامى فدارهم و تخلي ليهم تقاعد كامل ديال باهم ، وعلاش الى تزوجات مهم يتقطع تقاعد !؟؟
فالمقابل هداك الموظف البسيط ، الى قدر الله وقع الطلاق ولو ماشي هو لي باغي يطلق، نحيدو ليه الدار و النفقة و نفرضو عليه يصرف عليهم و على زوج طليقته اوعشيقها في منزله المغصوب !!!
إن لم يكن هذا هو الظلم فأخبروني ما هو الظلم !!!