عشان تعرفوا ليه كل الفنانين بيشكرو في اخلاق اشرف وان فعلا الإنسان سيرته الحلوه بتفضل عايشه موقف حصل معايا انا شخصيا معرفتي بأشرف مصيلحي الله يرحمه ويغفر له كانت من خلال مسرحيه حوش بديعه كنا بتمثل فيها سوا ودي كانت أول مسرحيه اعمل فيها دور البطوله النسائيه بعد دوري في مسلسل وش تاني عام ٢٠١٦ كانت بتتعرض علي مسرح بيرم التونسي في اسكندريه عرضنا المسرحيه حوالي شهر ونص كان في فنانه بتعمل الدور قبلي واعتذرت عن العمل قبل العرض بيومين وكان مطلوب مني احفظ الدور كامل واتعلم استعراضات واغني في يومين بس والمخرج طلب من كل فناني العمل يحضرو معايا البروفات عشان يساعدوني احفظ بسرعه ولكن لم يأتي احد لمساعدتي سوا اشرف مصيلحي رغم أنه كان بيسافر كل يوم لأسرته في القاهره عشان يبات معاهم وميسبش أسرته ليله واحده لوحدهم ويرجع تاني يوم بقي يأخر نفسه ساعتين عشان يساعدني في البروفات وسليمان عيد وابو الليف حضرو البروفات وساعدوني كمان المحترمين الله يباركلهم و باقي فريق المسرحيه من النساء طبعا اعتذرو عن حضور البروفات وزعلت جدا وقولت ليه كدا ! وأشرف لقاني زعلانه وقتها قالي متزعليش عشان انتي اصغر الفنانات في العمل سنا وبقيتي بطله المسرحيه ولا يهمك احنا معاكي لحد متحفظي المهم حفظت الحمد لله وعرضنا المسرحيه وجابت أعلا إيرادات بفضل الله اشرف كان في حاله جدا ومحترم جدا و زميل بيساعد زملاؤه بمنتهي الحب والاخلاص الف رحمه ونور عليه المحترم والخلوق ذاكره بتفضل عايشه الخير مبيتنسيش وانا عمري ما بنسي معروف اتعمل معايا