متسلسلة تخليص حقوق (حكايات) الفصل الاول
وحشتووووووني يا رجاله عملين ايه اخبركم اتمني ترده في الكومنتات و تقوله عملين ايه مش مهم رأيكم في القصه المهم صحتكم انته دي التحيه بس (و بما اني قولت بس يبقي وراها حاجه) توضيح القصه دي مختلفه القصه دي مشانا اللي كتبها دي شخصيه من شخصيات القصص بتعتي هيا اللي كتبتها الشخصيه دي اتظلمت كتير جدا مع اني كنت حابب اني الشخصيه دي تكون مستقله زي شخصيه (حماده فتحي) بس تمام ها وضح وجه نظري في الشخصيه دي دلوقتي الشخصيه هيا (صوت تحفيزي في الخلفيه) نوح الدهبي
ابو الزوز مش عايزك شتيمه بعد اذنك تمام دلوقتي القصه دي من كتابه نوح الدهبي ده اولاً
ثانين يا شباب انا عملت استفتاء هنا دخله أربعين واحد ٨ بس قاله لا بلاش و الفكره قديمه و مفيهاش جديد احب اقولك لا صديقي الحاجه اللي اكتبها انا غير مش غرور صدقني بس انا ليا اسلوبي تمام
ثالثاً دي رساله لي الناس اللي ها تسرق القصه دي احب اقولك اتفضل انتا مجرد واحد ماشي على خط انا اللي رسمته تفتكر كده انه الخط بتاعك و استشهد بكلمه محمد رمضان الزميل العزيز في اغنيه مافيا (انا اللي برسم الطريق و انته بتمشه عليه) بالنسبه لي الاخ منتدي خفاجي البطيخي لي القصص المسروقه اكيد دخل اول ما شاف اسمي على قصه الانه عارف انها عظمه احب اقولك اتفضل اسرق بس لو راجل اكتب

كده حطينا الشروط و الرساله وصلت احب اوضح نظام القصه
النظام كل عشر اجزاء ليها قصه و حكايه خاصه و أبطال خاصين بس في الاخر هاجمع كل الخيوط دي ببعضها و اعملك كوكتيل استيك العنب و زي ما قال الزميل أحمد مكي في فيلم طير انتا (استروش الجنزابيل)
خلصنا ترحيب و كلام ندخل في القصه نفسها يله بينا يله اربطه الأحزمة

بدايه الفصل
المكان مستشفي الامراض النفسية و العصبيه
الاشخاص نوح الدهبي و الدكتور شاهين
شاهين : ها يا نوح عايز ايه بتزن تقابلني قبل معادك
انا : انا زهقت يا دكتور و عايز اخرج
شاهين : نوح تخرج فين احنا هنا مش في مدينه ملاهي
انا : يا دكتور انا زهقت و تعبت عايز اشوف ناس جديده
شاهين : طيب انتا لما تنسي تحلق دقنك و شعرك و تسبهم يطوله كتير ده بيأثر على نفسيتك اكلم الحلاق يجي بليل
انا : دكتور شاهين انا عاااااايز اطلع يوم و ارجع تاني بس اكتر من كده مش قاعد لزم اخرج لو قعدت هاعمل مصيبه يا في حد يا في نفسي
شاهين : طيب طيب اهدا انتا بطلت تكتب
انا : معنديش افكار اكتبها
شاهين : (فهم سبب الاكتئاب ده اني مفيش افكار) بص انا عندي فكره حلوه بس تسمع كلامي ماشي
انا : اي فكره فيها هنا لا
شاهين : طيب ها تخرج تروح كافيه و مش بعيد عن هنا و ده شرطي الأول
انا : موافق
شاهين : التاني ها تروح بس مش لوحدك ها يكون هناك ناس من المستشفي من غير ما تشوفهم
انا : ايه جو المخابرات ده انتا غلبت حماده فتحي بتاع القصص
شاهين : بلا حماده فتحي بلا حماده بلوط ها موافق
انا : موافق بس محدش يقولي بلاش تطلب كذا و كذا انا حر اطلب اللي يعجبني و اكول اللي يعجبني و اتكلم مع اللي يعجبني ماشي
شاهين : موافق
انا : طيب امته
شاهين : بكره
انا : طيب ارجع اوضتي انام علشان الوقت اتأخر
شاهين : روح

رجعت الاوضه بكرسي المتحرك حاولت انام بس مش قادر فرحان و قلقان افهمكم ليه اصل انا كاتب و الكاتب يحب يلاحظ تصرفات الناس حوليه علشان لما يكتب اللي يكتبه يكون لمس ارض الواقع فا خايف الناس اتغيرت قد ايه وصله لحد فين مش عارف و مش عارف البس الموضا اتغيرت قد ايه لسه في بنطلونات مقاطعه و كده وله إيه مش عارف بس ممكن و ممكن لا
فضلت صاحي من القلق الشديد (اصعب انوع الحرمان انك تتحرم من الناس تقعد في قفص و باب القفص يتفتح تلقي نفسك عايز تقفل الباب تاني و تقعد في القفص) لحد

Sponsored by:

تاني يوم صحيت و رحت المطعم قعدت افطر و انا بهزر مع الكل من الفرحه و بحاول اقلل القلق بتاعي لحد ما جيه معاد العشا اخدت دش و لبست بطلون و قميص و دي حاجه مش سهله علشان مش عارف اتحرك و طلعت بره كان شاهين مستني
شاهين : جاهز
انا : ايوه جاهز
شاهين : ها وصلك و اسيبك لوحدك ماشي
انا : ماشي
شاهين : (كلم الامن) افتح الباب يابني

فتح الامن البوابه الحديد زي ما تكون ابواب الفرحه اتفتحت في قلبي اخدت نفس عميق و الممرضين دخلوني العربيه مع شاهين و اتحرك نص ساعه و وصل عند كافيه نزلوني و حطوني على الكرسي و دخلني شاهين الكافيه و بجد حاجه زي اللي كنت بشفها عادي يعني كافيه و فيه ناس عادين و لسه في ينطلونات مقطعه اللاسف ازبل موضا في التاريخ دخلت و اخترت تربيزه اقعد عليها
شاهين : اسمع انا ها سيبك و ساعه و ارجع ابص عليك
انا : طيب سيب علبه السجاير بتعتك و انتا ماشي
شاهين : نوح
انا : ايه مش اتفقنا اطلب اللي انا عايزه
شاهين : (بغيظ شديد) و انا هاعرف اغلبك ابداً (طلع علبه السجاير و الولاعه) امسك سلام
انا : سلام

مشي شاهين و انا ولعت سجاره و باصص في وشوش الناس و الشباب قد ايه هما تفهين جداً زي ما هما عادي البنات بتهزر مع الرجاله و جو محن غريب يا محمدددددد سيبك الشنطه يا محما مفيش جديد ده المستشفي فيها جديد اكتر من كده
جيه ويتر
ويتر : منور يا فندم تحب تطلب ايه
انا : عايز قهوه
ويتر : اوكي قهوه في (قال شويه انواع بالانجليزي كده معلش يا زوز اصلي مش بعرف انجليزي فا سامحني و بعدين انا بدخل ستاربكس بحس اني بحل لغز مش مينيو)
انا : (تايه قدامه و فوقت) بس بس ايه كل ده انا عايز فنجان قهوه تركي عادي زي اللي بتعمله في بيتكم بس مش اكتر
ويتر : (ابتسم) تمام يا فندم حضرتك تحب القهوه بلبن منزوع الدسم وله كامل الدسم وله نص دسم
انا : انا كنت رحت البرازيل جبت بن و رجعت اسهل
ويتر : (ضحك) هههههه يعني حضرتك قهوه عاديه تركي صح
انا : شوفت سهله ازي
ويتر : تمام يا فندم عشر دقايق و اجبها لي حضرتك
انا : اتفضل

مشي الويتر و انا فتحت تلفون عليه بيبي مونتر يعني ميدخلش على النت وله فيه شريحه تلفون و عليه برنامج الورد بس فتحت صفحه جديده و بدأت اكتب بس شتت تفكيري صوت بنت
بنت : مساء الخير
انا : (نفسي اضربها قلم على وشها علشان فصلتني بس رديت بابتسامه) مساء النور خير
بنت : (بابتسامه) انا اسفه مش عايزه ازعجك بس الكافيه مليان ناس و مفيش تربيزه فاضيه ممكن اشركك التربيزه لو مش هاعمل ازعاج
انا : (فكرت شويه) تمام اتفضلي
بنت : شكراً (قعدت قدامي)

رجعت ابص في تلفوني تاني و مسحت اللي كتبته كله و بدأت اكتب من تاني ثلاث دقايق و لقيت واحد بيقول
واحد : لو سمحت يا كابتن
انا : (بصيت ليه) كابتن
واحد : لا مؤاخذة يا برنس بس عايز ليتور (ولاعه بالانجليزي)
انا : ليتور!!!!!!
واحد : اه يا صحبي ولاعه يعني
انا : لا مؤاخذه و ليتور في نقاش واحد (مسكت الولاعه) اتفضل
واحد : تسلم يا غالي (ولع السجاره) تسلم
انا : (مديت ايدي) الولاعه
واحد : اه يا كبير اتفضل
انا : (اخدت الولاعه) شرفت

مشي الشاب ده و انا بضرب كف على كف ايه العبط ده كلام انجليزي في عربي في لغه عربجيا و كله ماشي مسحت اللي كتبته و رجعت اكتب تاني لحد ما فصلني
ويتر : القهوه يا فندم
انا : (دعكت وشي و قولت بصوت واطي) هو يوم باين من اوله
ويتر : في اي كومنت يا فندم
انا : لا حبيبي تسلم اتفضل
ويتر : شكرا (مشي)
واحده : طيب اللحق اسألك علشان اي حد بيكلم تتنرفز
انا :

Sponsored by:

معلش اصلي مركز شويه اتفضلي
واحده : لا عادي ممكن نتكلم وله في مشكله
انا : لالا مفيش (حطيت التلفون على التربيزه و ولعت سيجاره و انا بطلع السجاره طلعت واحده تانيه فضلت ماسكها مش مولعها)
واحده : هو مش المفروض تسألني لو ها دايق انك تدخن وله ايه
انا : انتي طلبتي تشركيني التربيزه انا قولت ايوه اكيد مش ها تقولي لا على سجاره قرمط يعني
واحده : (ابتسمت) طيب و ماله ممكن سجاره وله
انا : اتفضلي ( ادتها السجاره التانيه)
واحده : انتا مطلعها من بدري ليه
انا : علشان عارف انك بتدخني
واحده : و عرفت منين
انا : اول ما قعدتي قربتي الطفايه ليكي و دي حركه يعملها المدخن بس
واحده : انتا مركز بقي
انا : شغلي اني اركز في ردود افعال الناس و تصرفاتهم
واحده : لوله الكرسي كنت قولت ضابط مباحث اسفه لو كلامي زعلك اصلي دبش حبتين
انا : لالا عادي دي إعاقة من حدثه عربيه
واحده : طيب انتا مركز ليه
انا : علشان انا بكتب و الكاتب يركز في تفاصيل الناس و يطلع منها تفاصيل خاصه لي الشخصيات اللي يكتبها
واحده : اوكي بس كتبت ايه قبل كده
انا : كتبت قصص بس مفيش حاجه اتنشرت
واحده : طيب بتعرف تكتب على كده وله
انا : مفيش كاتب يقول على كتاباته واحشه اصل الشخصيات دي بتكون زي ولادنا كده عملناهم و ربناهم و كبرناهم و علمناهم
واحده : فلسفه عميقه
انا : بحب الفلسفه
واحده : نسيت اعرفك بنفسي انا ريم احمد العابد
انا : نوح حامد الدهبي
ريم : تشرفنا يا نوح قولي يا نوح وله لزم اقول استاذ نوح و كده
انا : استاذ ايه قولي نوح عادي
ريم : ماشي يا نوح بتحس بايه و انتا بتكتب اصلي عمري ما جربت اكتب
انا : طيب انتي ام
ريم : ايوه عندي طفل صغير
انا : طيب لو ابنك تعب او جاله برد بتحسي بايه
ريم : مش عرفه بس بكون قلقانه و مرهقه و عايزه التعب ده يروح باي شكل
انا : حتي لو ها تعملي اي حاجه
ريم : اي حاجه
انا : ده مبدأ القطه اللي اكلت عيالها
ريم : (بصدمه) افندم
انا : هههههه اهدي يا استاذه ريم افهمك بصي الفرق خيط بسيط بين تعمل الصح و الغلط انك تفكري في علاج و انك تاكلي ابنك علشان ياخد موت رحيم ده الكاتب الكاتب هو اللي يعرف يجيب الشعرة اللي في النص بين الاتنين يعمل توازن
ريم : اه فهمت طيب دي الشخصيات احساسك ايه
انا : احساسي اني فيش اصوات في دماغي كل الناس عندها اصوات في دماغها العاقل و المجنون و الطيب و الشرير اللي بيبني و يهد كل دي حجات في دماغ كل الناس بس عندي انا اكتر حبتين فا بعمل ايه اطلع الناس دي و اقعدهم قدامي كده و اشوف كل واحد عايز ايه و احولهم لي شخصيات على الورق اكتبهم
ريم : تحب تتحكم في مصير كل واحد فيهم
انا : انا اللي عملتهم فا اكيد بتحكم في مصير كل واحد فيهم
ريم : ده موضوع يخوف
انا : لا الموضوع مش يخوف الموضوع جميل و بسيط حاجه كده تخفف الدوشه اللي في دماغي و خناقه كل شخص في مخي.... صحيح هو انتي شغاله ايه
ريم : (بإخراج) اقول
انا : قولي
ريم : كول سنتر في شركه المصريه الاتصالات
انا : ربنا يحرقهم
ريم : ههههههه ليه بس
انا : كل شويه افصل الراوتر شغل الراوتر حرام
ريم : ههههههههه لا الموضوع اتغير
انا : ازي
ريم : دلوقتي بنقول ثواني يا فندم اعمل تنشيط لي الخط بتاع حضرتك مش بنعمل حاجه و بعدها نقول اطفي الراوتر و شغل الراوتر
انا : ههههههه

و انا قاعد باصص لي ريم سمعت صورت دربكه ورايا لقيت الناس كلها بتبعد عني و بصين ليا بخوف و واحد زعق
واحد : ده مجنون طلعوه من المكان لا يموتنا
امن : في

Sponsored by:

ايه يا استاذ
واحد : الراجل ده مريض نفسي
امن : و حضرتك عرفت منين
واحد : مكتوب على الكرسي بتاعه من وره اهو
انا : (لفيت الكرسي ليه) يا استاذ اهدا
واحد ٢ : ابعدوه عنا
انا : يا جماعه انا بني ادم عادي زيكم شايفيني ماسك سكينه عليكم
واحد : يا جماعه طلعوه بره
انا؛. يا استاذ انا قعيد يعني مستحيل اقدر اعمل حاجه حتي لو هاعمل
امن : (قرب مني) بعد اذنك يا استاذ نوح انا متفق مع الدكتور شاهين بس كده ها تعملي مشكله في شغلي و ده اكل عيشي اتفضل حضرتك و الدكتور شاهين دافع الحاسب
انا : (ابتسمت ليه) ماشي (لفيت الكرسي و بصيت لي ريم) عرفتي الاصوات جيه منين

اخدت حاجتي و طلعت بره الكافيه و ماشي بالكرسي الكهربا و ولعت سجاره و انا مبتسم مش زعلان خالص سمعت صوت ورايا و كانت ريم
ريم : نوح يا نوح بعد اذنك استني
انا : (لسه بمتسم) ايه جيا ورايا مش خايفه اخطفك في المكان الهو اللي احنا فيه
ريم : ياعم عادي على الاقل اكل و نوم ببلاش
انا : ممكن اقتلك
ريم : ياعم قوم الاول
انا : طيب انتي جيا ورايا ليه
ريم : ممكن اعرف انتا رايح فين
انا : رايح المستشفي اصل انا مريض في مستشفي مجانين بس خرجت شويه علشان اغير جو
ريم : طيب تعاله اوصلك انا عربيتي مركونه هناك (شورت على العربيه)
انا : (بصيت على العربيه) معلش عايز امشي رجلي شويه
ريم : طيب ممكن امشي رجلي معاك
انا : لو تحبي اتفضلي

مشيت ريم جنبي
ريم : انتا زعلان من كلام الناس
انا : لا بالعكس دي حقيقه و شكلي نسيت
ريم : بس انا مش شيفاك مجنون خالص يعني بتتكلم معايا عادي
انا : ههههههههه
ريم : بتضحك على ايه
انا : (وقفت الكرسي و شاورت ورايا) دي المستشفي
ريم : (بصت عليها) اه طيب ممكن اعرف بتضحك ليه
انا : علشان كلنا مجانين يا ريم كلنا مجانين بالضغط النفسي و باعداء النجاح و اوفر ثنكج و الارهاق و الصدمات كلنا مجانين علشان مش عرفين نقول لا لي مدير رخم بسبب الترجت اللي مستحيل يتحقق غير في خياله هو مجانين علشان مكتفين ايدنا و مغمين عنينا و بنلف في ساقيه زي الثيران كلنا مجانين مفيش حد عاقل مجانين بالطمع و الجشع و حب الشهوات و كرهه الخير لي الناس كلنا مجانين علشان مش عرفين نعتزل الحاجه اللي مش بتريحنا زي الست اللي تروح فرح واحده صحبتها لبسه كعب عالي تاعب رجلها بس لزم تلبس كده علشان كلام الناس اللي احنا مجانين به كلام الناس كلام الناس عرفه اهلي بيقوله عليا ايه بيقوله ابنهم مسافر يتعالج بره مش مريض في مصحه نفسيه (شاورت على الباب اللي ورايا) دي مصحه عقلين مش مجانين
ريم : (بتسمعني و اقتنعت) تصدق عندك حق ده انا ها ولع في مديري بسبب الترجت الخزعبلاوي اللي طلبه
انا : (ابتسمت ليها) و ده كمان جنون
ريم : عرفه طالب ترجت كبير لزم ارد على الف مكالمه في الشهر و محدش بيتصل بينا أساساً
انا : كده دخلنا في كذب انتي موظفه كول سنتر تقعد في كافيه منمم اشترج بتاعه اربعين في الميه و كابيه الشاي فيه ثمنها خمسه و عشرين جنيه و مسكه شنطه من جودشي و اصليه على فكره من شكلها كده و لبسه قميص حرير تفصيل خاص و حرير كشمير يعني المتر منه يعدي الالف جنيه و ركبه عربيه اسكودا اوكتافيا موديل سنه 2021 يعني ثمنها يعدي 300 الف جنيه و قعده تحللي شخصيتي الحاجه الوحيده الصدق اللي قولتيها هيا انك ام (ابتسمت) اصل ابنك قاشط على كم القميص
ريم : (بصه ليا و مصدومه) ما ممكن اكون ورثه انا جوزي متوفي
انا : حقيقي متوفي و كنتي بتحبيه بدليل اني لسه اثار خاتم الجواز علي ايدك يعني خلعتيه من فتره قريبه و بتشربي سجاير لمون دي فرونس علبه السجاير الواحده تمنها يعدي 70 او 80 جنيه و بتيجي مستورد كمان و مهتمه بنظافه اسنانك رغم اني السجاير دي و النوع ده

Sponsored by:

مدمر لي لون الاسنان ممكن تكوني بتعملي تبيض لي اسنانك مرتين في الشهر صح و بعدين لو ورثه ايه يشغلك كول سنتر و تستحملي رخامه المدير و العميل
ريم : (اتصدمت اكتر)
انا : (خبطت علي الباب الحديد) اتفضلي علشان تسلمي التقرير لي الدكتور شاهين

اتفتح الباب و دخلت جوه الممرض اخدني لي الاوضه بتعتي و ريم راحت لي اوضه الدكتور شاهين
شاهين : حصل ايه
ريم : (قعدت و شغلت تسجيل على التلفون) اسمع بنفسك يا دكتور
شاهين : (قعد و سمع الحديث كله و اتنرفز) انا معايا طقم تمريض اغبيه ازي ينسه يشيله لوجو المستشفي
ريم : بالعكس انا طلبت من التمريض يسيب اللوجوا علشان الناس تشوفه و اعرف رد فعله تحت ضغط شكله ايه
شاهين : ازي يا دكتوره تعملي اختبار حي زي ده من غير امان او حد يكون موجود
ريم : دكتور شاهين نوح لزم يخرج نوح معافا تماماً و لو قعد ها يقلب مجنون اكتر من الاول بكتير
شاهين : يخرج ازي مستحيل طبعا نوح بتحصل ليه حاله جفاف فكري كل فتره و بيكون خارج عن السيطره
ريم : الحاله دي بتحصل بسبب الحبس و المكان المغلق و لما بيخرج الجنينه بيرجع زي ما هو صح وله غلط
شاهين : صح طيب انتي شوفتي كتاباته
ريم : لا كنت لسه ها طلبها
شاهين : طيب (فتح درج و طلع منه ملفات) دي ملفات القصص بتعته اول قصه كانت لي واحد اسمه علي الصمدي و التانيه لي إيهاب المحمدي و الثالثه ليه هو غير شكل حياته كله و الرابعه دي لي شخصيه مازن الخديوي قصه علي الصمدي دي غير فيها نظام العالم كله و شكل الحياه على الارض من كل الأبعاد سياسه و عسكريه و اقتصاديه شخصيه إيهاب دي طلع ليه اعداد من الهوا اللي بيتفنسه و قصته هو غير فيها شكل حياته كله و قصه مازن الخديوي دي عملها من العدم من الا فكره
ريم : طيب ممكن اقرأ القصص دي و اشوفها
شاهين : اتفضلي في مكتبك براحتك
ريم : تمام يا دكتور

اخدت القصص و راحت مكتبها و هيا لسه متعينه جديد و انا اول حاله ليها دخلت المكتب طلبت قهوه و كلمت امها عرفتها انها بايته في المصحي و قعدت فتحت القصص بتعتي و بدأت تقرا فيها كلها لحد تاني يوم الضهر خلصت اخر فصل في قصه مازن الخديوي و طلبت كبايه قهوه و ولعت سجاره و قعدت تفكر و بصت على الجنينه لقتني قاعد طلبت فنجان قهوه تاني اخدته و طلعت الجنينه و جت عندي
ريم : صباح الخير
انا : صباح النور يا دكتور
ريم : انا عندي عرض سلام ليك انا عرفه اني طريقه التعارف بتعتنا مكنتش ظريفه فا جبت قهوه و ولع سجاره و نتكلم
انا : على فكره انا مش زعلان من طريقه التعارف انا حتي بفكر اكتبها في قصه
ريم : قصه ايوه تعاله هنا ايه اللي عملته ده انا قريت القصص بتعتك كلها ايه ده
انا : قصدك انهي قصه
ريم : كلهم
انا : حددي كل قصه انا عملت فيها كرثه
ريم : مثلا مازن الخديوي
انا : ابو مازن الخديوي و بلاش تسألي عايش وله مات
ريم : ليه
انا : علشان معرفش
ريم : ازي مش انتا قولت انتا بتتحكم في الشخصيات دي
انا : ايوه بصي عندي ليكي سأل بس هاتي الولاعه
ريم : اتفضل
انا : (ولعت السجاره) دلوقتي انتي شيفه اني مازن قوي وله ضعيف
ريم : قوي طبعا اللي يعمل كل ده يبقي قوي
انا : لا مازن مش قوي
ريم : ضعيف
انا : لا مازن جبان تخيلي لو واحد خايف من العالم في ايده رموز الاطلاق النووي ها يعمل ايه بصفتك دكتوره
ريم : ها يخاف يضربها
انا : تؤ مازن خايف من العالم نفسه و اللي خايف من العالم لا يأتمن عليه
ريم : طيب ازي ده مازن الخديوي
انا : طيب و علي الصمدي
ريم : انا بكيت في موت علي الصمدي البعبع يموت
انا : ايوه مات اصله انسان عادي

Sponsored by:

زينا اهو علي الصمدي كان خايف برده من العالم علشان كده غيره بس تبعيات التغير ده من قلب موازين العالم ده كرثه
ريم : كل شخصياتك خايفه كده
انا : تخيلي تحبسي طفل صغير في اوضه ضلمه ها يخاف يتحرك في دماغه الضلمه دي فيها وحوش و اساطير و حجات كتير في خياله اهو كل الشخصيات دي كده
ريم : طيب و انتا
انا : انا الكاتب اللي دخلتهم الاوضه المقفوله و طفيت النور عليهم
ريم : طيب كنت بتستمتع بالتعذيب لي الشخصيات
انا : قولتلك دول ولادي اكيد لا بس الاب بيقسي على ولاده علشان يكونه قد المسؤوليه اللي جيه قصدهم
ريم : طيب و مازن ها يعيش وله يموت
انا : انتي شيفه إيه يستحق الحياه وله الموت
ريم : الصراحه الواد غلبان
انا : طيب و نسيب الغلبان ليه يتعذب ما نديله الراحه
ريم : خلاص يموت
انا : و ليه اقتل شخصيه نضيفه و طاهره ملهاش في وساخه الدنيا
ريم : (بحيره) انا احترت معاك
انا : هههههه علشان دكتوره نفسيه و اتسحلتي في دماغي النهايه دي اختبار
ريم : لي مين
انا : لي القارء اقدر منها اشوف تفكير الناس الشخص المكبوت ها يطلع و اللي جوه لو مش كويس يقول مازن يموت رغم اني بذكر تفاصيل كتير في كل قصصي علشان الناس ترتبط بالقصه اكتر بس ده شخص مش كويس علشان كده هانت عليه العشره
ريم : طيب لو شخص كويس
انا : لو شخص كويس ها يقول سحر ام مازن تموت علشان من عشرته لي الشخصيه و حبه ليها مش عايز حاجه شريره جنبها تقعد تأذي فيها بس في نوع ثالث
ريم : مين هو
انا : نوعك اللي لما احتار سأل مرضيش يقول توقع علشان مش فاهم و عايز يفهم
ريم : (فكرت شويه) تصدق عندك حق بس مين الاحسن اللي قال مازن يموت وله سحر وله اللي سأل
انا : اللي قال ده كلام مجنون مش لزم امشي وراه
ريم : (سكتت تفكر شويه لحد ما خلصت الفنجان) حط الكبايه في البسكت
انا : مش بحب اسيب مكاني مش نضيف
ريم : طيب ها نتقابل تاني
انا : اكيد
ريم : ها رجع اشوف شغلي

مشيت ريم و انا بصيت قدامي و راحت مكتب الدكتور شاهين
شاهين : (بص ليها شويه و اتكلم) عينك حمره شكلك عيطتي في وفاه علي الصمدي
ريم : ده كراش المستقبل علي الصمدي ده
شاهين : نوح رسم الراجل المثالي في كل حاجه طيب مع الناس الكويسه و شرير مع اعدائه عاشق لي سندي و مني الديب و اولاده و كاره اي حاجه تقرب منهم بشر الاصيل الجدع اللي كان هدفه من دخول الجماعه السريه انه يحمي الناس و لما عرف اني فيها امير محمد عزت ابن ابن خالته قرر انه لزم يكمل علشان يرجعه لي الصح
ريم : شخصيه غريبه و الاغرب هيا قصه ايهاب المحمدي تخلي عن الشخصيه الرئيسيه لي شخصيه تانيه ثانويه زي جمال ابنه مع ذلك محستش بفرق لا كله كوم و قصته هو كوم تاني انا لوله اني حفظه ملفه كويس كنت قولت دي قصه حقيقيه
شاهين : حقيقي نوح شاطر في ربط الخيال بالواقع
ريم : بعد كل ده لسه شايف انه مجنون
شاهين : بالعكس نوح مش مجنون العالم اللي بره هو اللي مجنون و نوح سهل التأثر بالعالم الخارجي يعني ممكن يتجنن
ريم : لا انا وثقه انه عاقل و ها يفضل عاقل كمان
شاهين : (اخد نفس عميق) طيب انتي شيفه انه يخرج
ريم : ايوه
شاهين : طيب يا دكتوره النهارده الاحد يوم الخميس هاجمع لجنه طبيه بحضور ابوه و امه و انتي اقنعيهم بس بلاش نوح يعرف علشان مدهوش امل بعيد
ريم : ماشي يا دكتور بعد اذنك
شاهين : اتفضلي

طلعت ريم من مكتبه و شاهين طلع تلفونه و جاب رقم ابويا حامد و اتصل به
حامد : الو يا شاهين عامل ايه
شاهين : تمام انتا اللي عامل ايه
حامد : كويس طمني نوح عامل ايه
شاهين : ده سبب

Sponsored by:

اني بكلمك دلوقتي انتا فين دلوقتي
حامد : في الاقصر بزور نديم و معايا سحر
شاهين : طيب في امل اني نوح يخرج
حامد : شاهين انتا بنفسك قولت اني حاله نوح صعبه
شاهين : ايوه عارف بس في دكتوره جديده بتقول غير كده شيفه انه ياخد فرصه
حامد : طيب ازي و بعدين الدكتوره دي حلوه
شاهين : ايوه ليه
حامد : علشان ده اسلوب ابني و عرفه كويس جدا تلقيه بينه و نها حاجه و هيا اكيد درست في جامعه اسكندريه
شاهين : لا دي جيا من القاهره و متعرفش نوح و لو تعرفه في لجنه طبيه ها تدرس الحاله بتعته و تقرر اذا يخرج او لا
حامد : اختار اللجنه دي رجاله بلاش ستات يا شاهين انتا عارف لسان نوح معسول و ياكل اي حد بكلمتين
شاهين : طيب بس لزم تبقي موجود
حامد : ماشي بس سحر مش ها ينفع علشان مش عايز اديها امل ممكن ميحصلش
شاهين : تمام المعاد يوم الخميس
حامد : ها كون موجود
شاهين : طيب بلغ سلامي لي سحر و نديم
حامد : يوصل سلام
شاهين : سلام

قفل معاه شاهين و قعد يفكر في الخطوه دي اصلي اعرف شاهين من زمان و هو عارف من وقت ما كنت فلاتي فا برده عنيد لي ابعد الحدود

عندي انا في الاوضه بتعتي جيه ممرض اخدني لي مكتب ريم
انا : مرتين في يوم واحد يا دكتور انا مش قد الكلام ده و ممكن اضعف
ريم : هههههه معلش يا سيدي استحملني
انا : طيب خير
ريم : في موضوع مهم جداً لزم تعرفه
انا : ايه هو
ريم : انتا ها تخرج
انا : طيب بس بلاش الكافيه تاني علشان شكلي وحش اوي قدام الناس
ريم : لا مش الكافيه انتا خارج من المستشفي خالص
انا : (الابتسامه اللي على وشي اتمسحت) انا ممكن اخرج اغير جو لكن اعيش بره لا
ريم : ليه
انا : علشان الحيوانات المفترسة مكنها الوحيد هو قفص
ريم : بس انتا مش حيوان
انا : لا انا حيوان
ريم: عندك فرصه كبيره بره المستشفى تقدر تعيش حياتك انتا لسه سنك صغير يعني قدامك كتير
انا : اللي فاضل من عمري مش عايزه
ريم : ليه
انا : علشان مستحقش الوقت ده
ريم : انتا ليه قاسي على نفسك
انا :انا قولت في الاول انا حيوان مش بني ادم
ريم : اشمعنا
انا : البني ادمين بيحبه و يتحبه و كمان متعاطفين رحيمين مع بعض ده طبع الانسان لكن عالم الحيوان كلهم بيدوسه على بعض و انا كده اسهل واحد يدوس على اي حد علشان يوصل
ريم : بالعكس انا شيفاك كويس و بني ادم عاقل
انا : عرفه يا دكتوره و اسف في كلامي انا نمت مع كام واحده من سن 17 سنه و لحد ما دخلت المستشفي هنا يمكن الف او الفين واحده عرفه كان فيهم كام ست متجوز كانت بتخون جوزها معايا تقريباً اغلبهم تيخيلي انا ضيعت شرف كام بنت او كانه بنات 19 واحده كنت بقعد مع اصحابي نتفاخر بالموضوع ده وله كأنه لعبه عرفه في كام بنت من دول ابوها قتلها ثلاثه ثلث بنات اتقتله بسبب حيوان زي ضيع شرفهم و لعب عليهم علشان يبقو حريم ليه في الحرام و عرفه كام واحده قتلها جوزها لما عرف انها مش بنت بسببي عشره عشر بنات زي الورد راحه فضل سته ست بنات اشغله بنات ليل و هربه من اهلهم و اتبهدله بسبب حيوان زي ضحك عليهم تقولي فرصه لا الفرصه دي اسبها لي بني ادم من لي حيوان و لو ينفع افرط في عمري لي واحد تاني ها عملها انا اسف لو كلامي جارح ليكي كا ست بس دي الحقيقه انا مش انسان سوي
ريم : بالعكس انتا عملت الغلط كله كفايه كده و اعمل الصح اطلع من هنا و اعمله نوح انتا عارف طريقك بس خايف تمشي عليه و صدقني الصح اللي ممكن تعمله بره احسن بكتير من الغلط اللي عملته و قعدت تتفرج عليه من وره القفص بتاعك بحجه اني انا

Sponsored by:

غلط
انا : انا لو لمست حاجه بتدمر انا خطر على الناس
ريم : لا قدامك فرصه مش يمكن الفرصه دي تغير منك كتير
انا : محدش ها يديني مجال لي الفرصه دي
ريم : خلاص خدها انتا و بلاش تستني حد يفشلك مش ده كلامك كلنا مجانين بالفشل و الهدف المستحيل تحقيقه خلاص يا سيدي اتجنن شويه يمكن يكون ده الحل
انا : صعب
ريم : كل واحد منا جوه علي الصمدي صغير بس لما تيجي الفرصه الصح ممكن يغير العالم
انا : او يدمره
ريم : ساعتها يجي دور مازن الخديوي الطيب الخلوق المحب للناس نوح انتا كتبت شخصيات جميله ليه متعش الشخصيات دي في حياتك و صدقني ها تكسب كتير و اهم مكسب هو نفسك و بعدين مين قال اني خروجك من هنا سهل لا في لجنه ها تقعد معاك و تقيم حالتك
انا : خليني هنا
ريم : ياعم لا مش ها تقعد هنا احنا مستغنين و يله يا بيه على الاوضه بتعتك عندي شغل اكل عيشي اصل ورث جوزي ها ورث جوزي **** يرحمه مش مكفي
انا : (ابتسمت) طيب

طلعت من المكتب و الممرض اخدي الاوضه بتعتي تاني و انا الصراحه بفكر في كلام الدكتوره ريم ممكن يكون صح بس صوت تاني يقولي اول ما نطلع نجيب نسوان و حشيش قومت ضارب نفسي قلم حكومه و رادد عليه (مش لما نطلع يا نجس نفكر ها نعمل ايه و اكيد مش ها نجيب نسوان و حشيش يعني)

فضلت على الحال ده لحد يوم اللجنه لبست نفسي و سرحت شعري و جيه ممرض اخدني لي اوضه فيها اربع دكاترة و معاهم الدكتوره ريم و الدكتور شاهين بصيت ليهم كويس
انا : مساء الخير
دكتور ١ : احنا لسه قبل 12 يا نوح يعني اسمها صباح الخير
انا : لا انا متحرك من الاوضه بتعتي الساعه 12 إلا دقيقه و على ما وصل الاسنسير اخد لوحده ثلاث دقايق يعني مساء الخير
ريم : ذي ما حضرتكم شيفين نوح واعي جدا لي الوقت اكتر منا رغم انه مش لبس ساعه يد
دكتور ٢ : ام طيب يا نوح انتا وافقت على اني الدكتور شاهين يسجل جلساته معاك صح
انا : ايوه
دكتور ٢ : احنا فرزنا التسجيلات بس في حاجه كده عايزك تسمعها (شغل التسجيل و كان شاهين بيسألني عن الستات فا رديت عليه انهم لعنه) قولي يا نوح شايف الست لعنه
انا : على حسب اصلها تفرق انا شايفها ازي
دكتور ٢ : لعنه مش ده كلامك
انا : ايوه كلامي بس لو شوفت الستات اداه دب تفريغ شحنات الذكورة عندي تقلب لعنه علشان ساعتها مش ها فكر بدماغي ها فكر بشهوتي و اتحول لي حيوان يرضي غرائزه بس
دكتور ٢ : ام بس ليه انتا ها تشوف الستات كده
انا : عادي كل واحد و عينه في عين تشوفها كائن جميل و في عين تشوفها كائن جميل و لزم يستغل جماله انه يفرغ شهوته و في عين تانيه تشوف الستات انها ستات عادي
دكتور ٢ : (كتب) عقده من النساء مرفوض طلب توصيه خروج لي المريض نوح حامد الدهبي لي عله كرهه النساء مما قد يأدي لي جريمه شغافيه (دي الجرائم اللي بتكون في حق المرأة)
انا : (بصيت ليه و انا مبتسم من فوق لي تحت و ميت راسي بصيت تحت التربيزه و ابتسمت) حلوه الكرافات دي شيك
دكتور ٢ : متحاولش تجاملني انا مش ها غير قراري
انا؛ الكرافات دي من محل اسكندر اللي في العصافره محل صغير كده و قديم جدا و عم اسكندر راجل كبير في السن خياط و احلي حاجه فيه هيا الكرافات و انه يجيله مزاج يعملها عم اسكندر مش بيعمل شغل غير لي ثلاثه بس في مصر اولهم جاسم بيه الروضي راجل الاعمال والتاني هو خالد بيه الدجوي السياسي المعروف و الباقي بيبيع لي البراندات الكبيره اللي بتبيع في اوروبا بس نيجي لي الزغلول الكبير اللي انا بحبه حامد بيه الدهبي (بصيت جنبي لقيت لوح قزاز عادي و فوق منه فتحه تهويه اخدت نفس عميق) اطلع يا حامد

Sponsored by:

متخفش مش ها ضربك (ده هزاري مع ابويا)
ريم : (وقفت جنبي) نوح في ايه
انا : في اني ابويا لما كان يحب يقدم رشوا او زي ما بيحب يسميها هديه لي حد كانت من عند عم اسكندر اللي الدكتور لبس من عنده و جايب لجنه كلها رجاله (بصيت لي الدكتور اللي كان وشه اصفر) انتا بتتكلم عن نظرتي لي المرأة و الحاجه الوحيده اللي مش في ملفي هنا هيا علاقاتي المتعدده و محدش اتكلم غيرك في الموضوع ده فا كده يبقي اخدت طرف خيط من حد او كرافت
ريم : نوح اهدا خالص كده انتا بتكتب علي نفسك تفضل هنا طول عمرك
انا : (بدون اهتمام ليها) نيجي لي اهم نقطتين اوضه اجتماعات زي دي يبقي فيها مرايه جوه حيطه ليه و فتحه التهويه دي جيبه ريحه سيجار كوبي من النوع الفاخر و الريحه قويه (قربت لي المرايه و بصيت فيها) معني كده اني في اتنين جوه يعني الحج حامد و الدكتور شاهين قعدين يتفرجه على القرد جوه السرك صح
دكتور ٢ : يا نوح
انا : دكتور شاهين بلاش جو الغموض ده معايا الشغل ده بتاعي انا و لعبتي انا و صاحب اللعبه ادري بي الاشبال اللي فيها مستنيك يا حج حامد في الجنينه بره نتكلم

رحت نحيه الباب و طلعت رحت الجنينه و فضلت مكاني و مديت ايدي في قعده الكرسي في علبه سجاير و ولاعه ولعت سجاره و ابويا جيه قعد جنبي
ابويا : لسه قرد زي مانتا دخلت علبه سجاير هنا ازي يا نوح
انا : عادي دفعت ثمنها
ابويا : ممكن اعرف ايه الثمن نوعها حريمي يعني
انا : طول عمرك شايفني وسخ متعرفش اني انا فعلاً وسخ بلاش تكذب نفسك بس تمن دي هو قله قيمه اكيد عمو شاهين عرفك اني خرجت اقعد في كافيه استغليت انشغال الناس و كل واحد في حياته و في دماغه و قعده الهلس اللي بينه و بين اصحابه و بنت معديه وقعتها اخدتها يااااه على علب السجاير و الولاعات اللي اتاخدت مني في قعدات الهلس
ابويا : نوح انا مش عايزك تخرج و تحصلك انتكاسه لو حصل قدام امك ها تضيع فيها
انا : كنت اتكلمت معايا بدل ما تلف من ورايا يا بابا مش هيا لسه بابا برده وله إيه انتا عارف اني شيطاني عفي يعني هو دلوقتي عمال يقول ابوك مش بيحبك و بيفتح في دماغي كوارث يا ولدي
ابويا : فاكر اني مبسوط و انتا هنا لا انا كبرت و عجزت و بقت حركتي تقيله و بحاول اسبق الزمن بس كل مره يغلبني انا معنديش غيرك انتا و اختك بس انتا هنا و اختك بعيد خالص و انا و امك لوحدنا عايزك جنبي بس خايف عليك
انا : وله مني
ابويا : (حط ايده على كتفي بحنان اب) عمري ما فكرت في كده انتا ابني الكبير بص احنا نفتح صفحه جديده بس توعدني تتغير
انا : مقدرش اوعدك بحاجه يا بابا انا نفسي بس مش عارف هاقدر وله لا
ابويا : انا عندي ثقه فيك

قام و سبني و حضر ورقي و اخد اذن من اللجنه اني اطلع اخد خروج نهائي بس مع المتابعه لي دكتور الحاله و بيت في المستشفي لحد تاني يوم كانه مجهزين كل حاجه ودعت مرضي كانت اعرفهم و كمان ممرضين و طلعت بره لقيت ابويا في العربيه دخلوني الممرضين العربيه و اتحرك ابويا لي البيت
انا : هيا فين سحر
ابويا : قعدت تطبخ الاكل اللي بتحبه يا بختك يا عم سحر مدلعك مش منمتش طول الليل
انا : طيب

كمل لحد ما وصلنا الفيلا دخل من البوابه و نادم الغفير نزلني معاه و دخلنا جوه ذكرايات كتير جدا في الفيلا دي منها حب امي و ابويا و منها رخامه نديم و منها ذكرايات قذره عن حفلات المجون اللي كنت بعملها و اهلي مسفرين حجات كتير اوي خلتني محسش بأمي غير و هيا بتحضني
امي : (بدموع) مبروك رجوعك يا حبيبي مبروك يا ابني
انا : (بوست ايدها) جري ايه يا سحر وخداني في حضنك قدام جوزك مش عيب كده ده مهما كان ابويا برده
امي : لسه لمض زي منتا

Sponsored by: