/>

الدكتوره تسنيم : انت بتزعقلنا ليه هاه؟؟ لو مش عاوزنا معاك في القضيه كنت رفضتنا انا مش هسمحلك تبهدل كرامتنا معاك... فاهم ياض؟؟

حسن بتريقه : ياض؟؟ هههههههه حلوه دي هي الدكتورات بتاعتك اخدتيها في اي حاره بالضبط؟؟

فضلوا يتخانقوا و حسن يتريق عليها و هي متعصبه و احمد و اشرف حيموتوا من الضحك...

حسن بزهق : يلا يا بت من هنا عاوز اشتغل...

تسنيم : بت اما تبتك... انا دكتوره قد الدنيا...

حسن لف من وراخا و يبص لطيزها : اه هي قد الدنيا بصراحه

تسنيم لفت و فهمت قصده : انت واد وسخ و اهلك ما عرفوش يربوك...

حسن بجديه : عندك حق انا قليل تربيه لا اب كان موجود و لا ام فضلت عايشه عشان يربوني ... في دي عندك حق...
بس عشان انتي بنت مش حرد عليكي و لا ااذيكي... بس اطلعي برا مكتبي دلوقتي حالا و كفى لحد كدا....

تسنيم حست انها زودتها و غلطت في حقه : انا... انا...

حسن يشاور على باب المكتب و وشه اتحول لشيطان بس ماسك نفسه عالاخر....

طلعت تسنيم من المكتب محرجه مش عارفه حتقول ايه لابوها الي كان بيوصيها تحاول تقرب من حسن فكرت شويه و بعدها راحت لمكتب أبوها اللواء فؤاد...


دخلت بعد ما اللواء فؤاد اداها الاذن و قعدت على الكرسي و عيونها في الارض...

فؤاد : خير قالبه بوزك كدا ليه اوعي تقولي انك عكيتي الدنيا....

تسنيم بحرج : الحقيقه اه....

فؤاد : ليه بس كدا.. دا انا موصيكي عشان عارف طولة لسانك انتي و اختك... كدا حيرفض يضمكم للفريق بتاعه و انتوا الخسرانين...

تسنيم : يا بابا هو قليل الادب و اهله ما عرفوش يربوه و...

فؤاد : استني استني ... انتي قلتيله الكلام دا؟؟

تسنيم بحرج : هو الي مستفز...

فؤاد : ليه بس كدا حرام عليكي... دا اكتر عنده حساسيه منه... احلها ازاي انا بقا...

تسنيم : يووه يا بابا انت مكبر الموضوع... انا حعتذر و خلصانا...

فؤاد : مش خلصانا ... هو ما بينساش حاجه و مش حيعديها بسهوله و حتى لو عداها و سامح حيكون محضرلك حاجه في المستقبل.... انا لازم اتدخل تعالي معايا...

تسنيم : حاضر...

بعد شويه حسن قاعد في المكتب بيدرس القضيه مع احمد و اشرف... قاطعهم طرق على الباب...

حسن : ادخل...

دخل اللواء فؤاد و وراه تسنيم باصه في الارض

حسن بجديه : اتفضل حضرتك ...

اللواء فؤاد : من غير ما قعد يا حسن... اجاي اعتذرلك...

حسن يقاطعه : ايه الكلام الكبير دا يا باشا تعتذرلي دا انا زي ابنك... بس لو بخصوص اه ( بص لتسنيم) انسى يا باشا...

فؤاد : ما هو عشان كدا جتلك يا حسن... اولا اعرفك ببنتي تسنيم... انا جاي اعتذرلك على طولة لسانها و جايبها تعتذرلك هي كمان و بما انك قدرتني و قلت انك زي ابني و دا صح فعلا اقبل اعتذاري و اعتبرها اختك الصغيره و غلطت...

سحب تسنيم قدامه : و الا ايه يا تسنيم...

تسنيم بسرعه : انا اسفه يا حضرت الضابط...

حسن بص عليها و غمز لفؤاد الي ابتسم...
قام حسن من مكانه و فضل يلف حوالين تسنيم بصمت... و هي بتبص لابوها و مرعوبه مش فاهمه من ايه اصل الوقفه قدام الوحش في الصمت دا حاجه ترعب و دمر الاعصاب...

حسن : مش هقبل اعتذارك لسببين... اولا انا لواء انا سعاده اللواء حسن محمد الجبالي... مش حضرت الضابط...

تسنيم باستغراب : لواء في سنك دي؟؟ ازاي؟؟

حسن : قروا بقا انا ناقص قر اصلا...
السبب الثاني ( مسكها من وذانها) في بنت تعتذر لاخوها تقلوا يا حضرت الضابط؟؟

تسنيم اتنهدت جامد : رعبتي **** يرعبك يا شيخ...

فؤاد : اعمل ايه انا في طولة لسانها دلوقتي...

حسن : عنك انت و انا حقصلك منه شويه... بعدين ما قلتش ليه انها بنتك؟؟

فؤاد : لانك كنت حترفض و حتقول ان دي واسطه و انا عارفك كويسه... و خاصة انها بنت... ثانيا كنت عاوزك تكتشف مؤهلتها و قد ايه هي تستحق تكون في فريقك...

حسن : اه لا كدا عندك حق... طيب الضابط الرابع حيوصل امتى عاوز اسافر بدري للقضيه ...

فؤاد : طبعا تلاقيك مشتاق لروسيا و لحمه روسيا...

حسن بصوت واطي : يا راجل عيب بنتك واقفه ...

فؤاد : على العموم عشان ما يحصلش نفس الموقف دا تاني الضابط الرابع هي بنتي كمان...

حسن : هههههه و تقلي مش توصيه هاه؟؟

فؤاد : على فكرة مدير المخابرات هو بنفسه الي اختارهم و بلغني بدا كله بعد طلب من الريس ان يكون عندك فريق يساعدك...

حسن : هو بجد الريس مهتم بالقضيه؟؟

فؤاد : بصوا حقلكم حاجه عشان تكونوا فاهمين الموقف كله... المنظمه دي ايديها في كل الدول بس دلوقتي قدرت تمسك اماكن مهمه في البلد و الريس مهتم بنفسه و عاوز يحدد معاد تروح تقابله بنفسك... عشان في مهمات جايه صعبه عاوزين الفريق بتاعك يكون جاهز و تكونوا خدتوا على بعض...

حسن : تمام كدا فهمت ...

طلع اللواء فؤاد من المكتب و تسنيم فضلت واقفه و تبص في الارض...

حسن : ايه انتي حد قالك انك معاقبه و الا حاجه؟؟

تسنيم ببلاهه : هاه...

حسن : اقعدي ياختي خلينا نبدأ صفحه جديده كلنا...

تسنيم بفرحه : بجد يعني سامحتني؟؟

حسن يكلم احمد : البت دي هابله؟؟

احمد : الظاهر كدا هههههههه...

تسنيم بغضب ما تقلش بت.... بعدين قلي بقيت لواء ازاي في السن دا؟؟


عودة من الفلاش باك :


حسن نام في مكانه و الكاس في ايده لحد ما طلع النهار و صحا دخل الحمام اخد دش و راح اوضته عشان يلبس و يروح الشغل... بص على السرير شاف البت الي كانت معاه بالليل نايمه عريانه...

حسن : انتي لسا هنا؟؟ قومي فزي يلا روحي بتكم...

البنت : حاضر حاضر...

قامت البنت لبست بسرعه و طلعت من غير ما خدت دش... و حسن نزل بعدها راح شغله...

قاعد في المكتب يشرب قهوة و يدرس الملف الي في ايده عن المنظمه... و سرح تاني في الماضي البعيد...

فلاش باك :

جده مات بعد ما راح معاه بسنتين.... صدمه جديده فحياته بعد موت والدته و سفر ابوه الي من يوم الدفنه ما شافهوش... قاعد مش فاهم حيفضل مع مين دلوقتي لحد ما جاله طفل صغير نفس سنه و قعد يتكلم معاه و يلعب معاه... خاله فاضل لما شاف ابنه يلعب مع حسن و منسجمين قرر ياخده معاه روسيا...

بعد العزا باسبوع سافر حسن مع خاله و ابن خاله لروسيا... و هناك مرات خاله فوزيه كانت الحضن الدافئ الي عوضه غياب الام و يقلك الخال والد فعلا... فاضل كان يعشق حسن و يعامله كويس و احسن من يزيد ابنه نفسه...

حسن كان ذكي جدا تقدر تقول عنه عبقري في كل المجالات... لدرجة انه بقى يدمج سنتين مع بعض في نفس السنه (و دا موجود في روسيا فعلا)... بعد ما اتخرج قرر يرجع مصر و ينفذ وصيه ابوه... بس دا طبعا بعد ما مدير المخابرات فضل يقنعه كتير...

فهمي مدير المخابرات: حسن... انت ابننا و ابوك قبل ما يطلع للمهمه الي راحلها زمان قبل ما اخد الترقيه دي ابوك اتنازل عن منصب مدير المخابرات و رشحني انا بداله... و حلفني اقنعك تكون ضابط مخابرات شاطر زيه...

حسن : ابويا؟؟ هههههه انا ليا اب واحد اسمه فاضل... هو الي رباني و صرف عليا... ابويا الي بتتكلم عنه اتخلى عني في عز احتياجي ليه و هو دلوقتي 11 سنه و ما فيش حتى اتصال منه... تقولي ابوك و وصيه؟؟

فهمي : ابوك معذور ... عمل كدا عشان يحميك...

حسن : في حد يحمي حد يبعد عنه؟؟ يا باشا سبني **** لا يسيئك...

فهمي : طيب مع انه مش وقته بس حفكرك... ابوك راح ينتقم من الي قتل والدتك... و بعد عنك عشان و تتءذيش انت كمان زيها...

حسن : ينتقم؟؟ في انتقام مدته 11 سنه؟؟

فهمي : لازم تفهم يا حسن... لو كان شخص واحد كان خلاص انتهى من زمان و خلص الانتقام... بس دي منظمه كامله بتتحكم في حاجات كتير و تقدر توصل لكل مكان في اي زمان يعني مش لعبه... لو طاوعتني حتتدرب عندنا و تفهم كل حاجه و ممكن تساعد ابوك في انتقامه...

بعد كلام كتير حسن نزل مصر و ابتدى تدريبات شاقه في كل الانواع... و في خلال سنتين تدريب مكثف بقا شخص تاني له هيبه و قوة و ذكاء حاد و قدر ينفذ اكتر من 100 عمليه لدرجة انه تجاوز ابوه و بقى هو رقم واحد في العالم و الكل يقدره و يحترمه و احيانا يخافه منه بسبب سلوكه... كان يدخل العمليه بقلب جامد مش خايف من الموت... يقتل بدم بارد... ذكاء خارق يخليه يخطط و ينفذ خططه بدون ثغرات او اخطاء... العين بقت عليه و الكل مبهور بيه... صيته وصل لكل الدول طبعا من غير اسم و لا ملامح واضحه... اسمه الحركي ابن الفرعون و رتبته الاولى في عالم المخابرات و الاسم دا اقتباس من اسم ابوس الحركي ( الفرعون) الي كان هو نمبر وان و ابنه خد مكانه...
بس مشكلته الوحيده انه رافض يشتغل في فريق... عاوز يكون لوحده في كل عملية...

عودة من الفلاش باك :

صحا من ذكرياته على موبايله الي بيرن... اول ما شاف الاسم رد بلهفه : حبيبي الي واحشني... عامل ايه...

( علي نسخه مصغره من ابوه في كل شي من جسم لاوصاف لذكاء لقوة كل حاجه زي ابوه حتى دراسته كانت نفس دراسة ابوه في روسيا الفرق بينهم لون الشعر بس علي شعره اصفر و حسن رمادي بعد ما كان اسود )

علي : اه لا بجد واحشتك؟؟ على اساس هاريني رنات و اتصالات هههههه...

حسن : و****ي واحشتني يا ابن الكلب... بعدين انت مش في مخيم التدريب حتصل بيك ازاي؟؟ و انت اتصل بيا ازاي دلوقتي؟؟

علي : اولا ابويا راجل محترم بلاش تشتمه... ثانيا انا بكل فخر حفيد الفرعون و ابن ابن الفرعون و الا انت ناسي يا حجيج...

حسن : ايه حجيج دي ياض دا انا اصغر منك... بعدين انت حتخلص التدريبات امتى...

علي : فاضل اسبوع كمان...

حسن : اسبوع تاني لا كدا كتير انا زهقت لوحدي و عاوزك ترجع... انا حكلم المدير يتصل بيهم يرجعوك...

علي : شغل الواسطه دا ما ينفعنيش يا حج... لازم اثبت نفس بنفسي... عشان يتأكدوا ان دم الجبالي الي في عروقي هو نفسه دمك و دم الفرعون الكبير... الا صحيح هو عامل ايه...

حسن : ما تفكرنيش... دا سافر تاني و سابني لوحدي ...

علي : ايه يا بيضه سابني لوحدي دي انت خايف مالعفريت يا حج... هههههه

حسن : بيضه؟؟ و خايف؟؟؟ اقفل يا ابن الكلب انا الغلطان اني عبرتك و رديت عليك اقفل...

علي : هههههه بهزر معاك يا حج... بقلك يا حج...

حسن : خير عاوز حاجه؟؟

علي : انت قلتلي انك زهقت لوحدك هما المزز الي بتاخدهم الشقه التانيه راحوا فين و الا انت راحت عليك هههههه...

حسن بغضب مصطنع : راحت عليا يا ابن الكلب دا انا اسد لولا انك ابني كنت عرفتك اقفل يا كلب...

علي : هههههه حاضر حاضر سلام...

حسن بابتسامه : سلام يا ابني و ربنا يحفظك و يرجعك ليا سالم غانم...

الباب اتفتح و دخلت تسنيم : ايه دا ايه دا انت قلبت لأمينه كدا ليه ... انت كنت بتكلم علي؟؟

حسن بعصبيه مصطنعه : أمينة يا واطيه؟؟
و بيقرب منها : عاوزه تشوفي أمينه تقدر تعمل ايه...


تسنيم بشجاعه : اثبت مكانك... و لا تقدر تعمل حاجه ياض

و الا أقلك ما تتجوزني و تثبتلي تقدر على ايه...

حسن قرب منها كتير : و ايه الي جاب سيرة الجواز دلوقتي؟؟ ايه رأيك في ورقتين كدا ينكتبوا في السريع و نخلص يا بطل...

تسنيم بضحكه : دا في احلامك اوعى كدا يا متحرش...

طلعت تسنيم و حسن رجع للملف الي كان ماسكه يراجعه و هو كدا و الباب انفتح

شخص : اثبت مكانك...




مين الشخص دا و في ايه حد يقولي اي التوهان دا انا مش فاهم لو فاهمين فاهموني معاكم و نتقابل في الجزء الثاني