/> والقائد قرب وبيمد ايده ليا, والشعور اللي في دماغي متعب اوي وحاسس اني لو سبته هقدر اتواصل معاه,وغمضت عيني وخدت نفس وابتديت اركز في دماغي اكتر في نفس اللحظة الراجل حط ايده على دماغي وابتديت اشوف الوان غريبة وحسيت بوجع وحاسس اني سخن وفجاة سقعت وبعديها اتكهربت وحاسس بالكهرباء دي في كل حته في جسمي ووقعت لقدام على الرمل وبنهج

معتز بعصبية: سيف هو عملك ايه انا هقتله

انا بوجع: لا .. استنى .. استنى

وشفت رؤية تاني مدينة مبنية في الاشجار ومتوصله بفروع شجر وشفت ست كبيرة وشها متغطي بقناع وشفت شخص لابس بدلة زي بدلات الفضاء ولونها احمر وبيتمشى على شط لونه اسود

انا مصدوم: ايه ده

والقائد رجع كام خطوه واتكلم بس المره دي بيتكلم بصوتين واحد بيتكلمه ببقه والتاني سامعه في دماغي

القائد: متحدث العقل

انا متفاجئ: ده .. ده انا

القائد: ده المفروض مستحيل

انا: المفروض ان كل ده مستحيل

معتز متفاجئ: معلش ثانية واحدة انت فاهم الراجل ده

انا: مش هعرف اشرح بس ده حاجه زي ما يكون في دماغي

شريف: ده شكله مش كويس خالص

والست بتوشوش القائد بحاجه في ودنة وهو هز وشه وبص على شريف

القائد: النسر

شريف: بيقول ايه ده

القائد مردش عليه وبص على معتز

القائد: الذئب

معتز: روح العب بعيد

وبعد كده القائد بصلي

القائد: بس انت مين

انا: ولا حاجه انت اللي مين

القائد: انا اللي ماسك حياتك بايدي

معتز: هو قال ايه

انا: مقلش حاجه كويسه

والست قالت حاجه بغضب وبتقرب الخنجر بتاعها عليا تاني والمره دي شفت جسمي ومقبض الخنجر طالع من صدري

انا: بقولك ايه ايا كنت انت مين احنا مش هنا عشان ناذيك

القائد ابتسم ابتسامة سخرية

القائد: كل رجالة الهايدرا عايزين ياذونا

انا: احنا مش مع الهايدرا او اللي انت بتقول عليه ده

معتز: انت متابع يا شريف عشان انا تهت خالص

شريف: انا معرفش بس واثق في سيف

انا: بص ايا كان انت عايز ايه انا اقدر اعمل ايه عشان اقنعك .. قولي

القائد: انت لازم تيجي معايا

انا: انا

القائد: كلكوا

شريف: هو قال ايه

انا: هو عايزنا كلنا نروح معاه

معتز: على جستي

شريف: احنا معندناش اختيار يا معتز حد بيقولي ان ابو قناع ده جامد في نشان السكاكين

الست: لاش كاما

القائد: ايوه يا تيجي معانا يا تموت هنا

انا: ليه؟ ليه مهم اوي اننا نروح معاك

القائد حط صباعين جنب دماغة كده وبعدين لقيت الدنيا كلها ابيضت وشفت نفسي في الفضاء والكوكب قدامي وسامع صوت الراجل ده من كل مكان حواليا

القائد: لو مجتش

وبعد كده لقيت حصل انفجار في الكوكب والكوكب كله بعدها بقى عبارة عن كتله من النار وفقت من الرئية دي بنهج برضو

شريف: ايه اللي حصل يا سيف

انا مصدوم: ده .. كان .. قصدي

انا بحزن: بيتهيالي لازم نروح معاه لو مرحناش في مصيبة هتحصل

معتز: مصيبة قد ايه

انا بحزن: مصيبة زي نهاية العالم كده

شريف ومعتز بصوا على بعض

معتز: ماشي مع ان الكلام ده هبل بس هكمل معاك

شريف: وانا برضو

والست المقنعة مشيت بغضب ومربهة ايديها والقائد مد ايده وانا بمد ايدي عشان امسكها

احمد بعصبية: ابعد ايدك عنه

شفت احمد طالع من الغابة جري وماسك حجر في ايده

انا: لا استنى

بس ملحقتش اكمل الكلمة وكان احمد اتحرك خلاص ورمى الحجر في قناع القائد والقناع اتشال من على وش القائد وشفت وشه وعينه اللي لونها ذهبي وشعره الاخضر وفيه جرح من فوق الحاجب لتحت العين والست مسكت الخنجر بتاعها ورمته على احمد وجه على دراعه من الجنب وفتحه

احمد بوجع:اههههههه

شريف بعصبية: احمد لا

شريف جري على الست ومسكها من وسطها وزقها في الرمله ووقع هو وهي على الرمل والخنجر التاني وقع من ايدها والراجل البومه راح عشان يساعدها بس معتز اتشقلب على الارض ومسك جزع شجرة وكسرة على وش الراجل والقائد بصلي ووشه مليان غضب

القائد بعصبية: خائن

انا: لا استنى مش زي ما انت فاهم

ملحقتش اكمل الكلام وكان معتز بيشدني من دراعي ناحية الغابة وبقيت اصحابي كانوا مستنيين

معتز: يلا يا سيف اجري بسرعة

وشريف بيجري ورانا ووراه الست بتقوم تقف

شريف: يلا يلا يلاااا

احنا التلاته جرينا وسط الشجر ومعانا احمد وماسك دراعه وبينزف وشفت مريم وحسن مستنيين

مريم: يلا بسرعة

حسن: قبل ما يوصلوا ليكوا

واحنا كلنا بنجري للفندق ومش شايف ايه اللي بيحصل ورايا بس سامع التلاته بيزعقوا وبيجروا

احمد: خخخخخ مين الناس دي

معتز: اسال سيف هو اللي اتكلم معاهم

حسن: هو ازاي

مريم بعصبية: اخرسوا وكملوا جري

وجريت باسرع ما عندي وشفت غصن شجرة واطي شوية وطيت تحته وشفت جزع شجرة كبير على الارض نطيت من فوقية وبنعدي من وسط الشجيرات اللي قدامنا لحد ما وصلنا للفندق وشفت بقيت صحابنا واقفين جوه البوابه

نور متفاجئة: هو ايه اللي بيحصل

شريف بعصبية: افتحي البوابة دلوقتي

نرمين وليلى فتحوا البوابه ودخلونا

معتز: اقفلوها بسرعة

ووقعت انا وشريف ومعتز من التعب

حسن: احنا كده امان ؟

نور: امان من ايه, ايه اللي بيحصل برا

وبصيت من خلال البوابه وبين الاشجار الكثيفة يادوب شايف شكل جسم شخص باصص ونار في عينية وفي دماغي سامع صوته

القائد بعصبية: انت مش هتفضل مستخبي ومش هتقدر تهرب احنا هناخدك ... احنا لازم ناخدك

وبعد كده اختفى واحنا لسه واقفين عند البوابه بنتكلم وبنبص على الغابة

ندى بخوف: ممكن حد يقول ايه اللي جرى

معتز: اعدائنا برا

انا بحزن: وجايين لينا تاني



وانتهى الجزء على كده وبتمنى يكون الجزء عجبكوا وياريت تكتبولي رايكوا في التعليقات عايز اشوف تفاعل عشان اكمل



______________________________________________________________________



قبل ما ابدء حبيت اشكر الناس اللي شجعوني اكمل واشكر الناس اللي كانت بتقول رايها في القصة عشان يفيدوني واحسن من القصة زيادة



حكمة: لا تبرر كلماتك في كل مرة يساء فهمك فيها فالعقول السيئة لن تستوعب النية الحسنة .

__________________________________________________



الجزء الثاني : حد فينا المفروض ميكونش هنا

_____________________________





على ارتفاع عشرين دور على سطح الفندق انا وصحابي بنبص على الجزيرة من فوق وكل حاجه هادية

انا: حد شاف حاجه

جنبي شريف بيبص على الجزيرة من منظار

شريف: اظن احنا في امان

معتز: لحد دلوقتي, سيف سمع هما قالوا ايه, قالوا انهم جايين تاني

ندى: طب هما ليه سايبنا كده لغاية دلوقتي

نرمين: الشمس بتغرب ممكن يكونوا مستنيين الفجر

مريم: طب هما مين اصلا او هما ايه

نور: هما شكلهم كان بشر عادي

خالد: لا وشيك اوي دول كانوا لابسين اقنعة بتاعت الحفلات

انا: شكل دول الناس اللي ساكنين الجزيرة دي

سلمى: يا راجل الناس اللي ساكنة الجزيرة هما اللي ساكنين الجزيرة جبتها منين دي يا عبقري

انا: يا ستي اقعدي بقى هو طبيعي ان ناس بالشكل ده يبقوا موجودين اصلا

ليلى: سيف عنده حق الواضح انهم ساكنين هنا من مده كبيرة انا بس مش عارفة ازاي محدش شافهم قبل كده

مريم: مش عشان محدش اتكلم عنهم قدامك يا ليلى معناه انهم محدش شافهم

معتز: واحنا كمان عارفين انهم كانوا بيراقبونا لمده طويلة شكلهم كانوا عارفينا انا وشريف

احمد بعصبية: عموما السنافر دول جايين لينا واحنا لازم نستعد ليهم

شريف: بالظبط احنا لازم نحصن نفسنا نقفل المدخل نجمع اسلحة واي حاجه تقدر تحمينا

مريم بعصبية: اها تمام خطة عظيمة جدا وهنعمل ايه بعد كده احنا عرفنا ان محدش هيجي يساعدنا وان في تعبان كبير مانعنا اننا نمشي

ايريس: التحاليل الحالية بتقول ان نسبة النجاة هي 0.4%

ندى: احنا مش هنقدر نواجه الكائنات دي علطول ايه فائدة اللي بنعمله

انا: خلي عندك ايمان ومتقلقيش هنلاقي طريقة احنا لازم منفقدش الامل احنا لو فكرنا مع بعض هنوصل لحل

ايريس: ايمان الكلمة دي جديدة عليا, بس عموما طالما فيه نسبة ضئيلة من النجاة ده منطقي انكم تصمموا على ايجاد حل ممكن يكون فيه حل غير مباشر

مريم: انتوا مجانين اللعبة دي ضدنا من البداية وملوش لازمه نكمل واحنا خسرانين اصلا

شريف: يا جماعة ركزوا يلا نتفرق ونشوف شغلنا لازم نبقى جاهزين

وشريف خد الباقي على الاسانسير لقيت ثلجاوي جه ومسك في رجلي وشكله حزين

انا: انا برضو خايف شويه بس مش عليا خايف عليهم

ولاحظت خالد واقف وبيعض على شفايفه

انا: خالد فيه ايه مالك

خالد بحزن: مالي ايه مش كفايه اللي احنا فيه

انا: اها فيه ايه في دماغك

خالد: اها انا فاهم الخطة اننا هنقفل على نفسنا بس احنا هنقفل على نفسنا مع ايه

انا: بمعنى

خالد: مفيش اي حاجه جديدة بس فاكر احنا اتكلمنا في ايه لما وصلنا ان ازاي احنا 11 والمفروض اللي كانوا هيطلعوا الرحلة هما 10 بس, في حد فينا المفروض ميكونش هنا

انا: الواضح ان كلنا المفروض نبقى هنا

خالد مستغرب: ايه

انا: قصدي ان ده قدرنا كلنا سواء كسبنا في المسابقة دي ولا لا, وبعدين هي دي المغامره اللي دايما كنا بنتكلم عنها ومحدش قال ان المغامرات مبيبقاش فيها خطر

خالد: ممكن يبقى كلامك صح

وابتسم شويه ومشي ورا الباقي ونزلنا وبعديها بكام دقيقة ابتدينا نقفل المداخل وشلت انا وخالد كنبة وبنقفل بيها المدخل

انا: ما تشيل معايا كويس يابن الوسخه انا حاسس اني شايل لوحدي

خالد: انا شايل بس انت رافع الكنبه لفوق اوي

انا: ياعم طب ارفع انت كمان اعلى متتخولنش بقى

خالد: طب هات الكنبة شمال شوية

انا: شمالي ولا شمالك

خالد: شمال كسمك

انا: كسمي انا طب شيل لوحدك يا دكر وادي الكنبة اهي

ورميت الكنبة على الارض

خالد: خد يلا يابن العرص شيل خلاص انا اسف لسعادتك

رجت شلتها معاه ووحطيناها قدام المدخل وابتدينا نرص عليها بقيت العفش

ايريس: مريم تكنيك الرفع اللي عملاه ضعيف مؤذي تجنبي التواء العضلات عن طريق استخدام ...

مريم: انتي هتفضلي طايره هناك كده بتتكلمي وبس اعمليلك همه وساعدينا

ايريس: للاسف انا مش مصممة اعمل اي اعمال يدوية وكمان جهودكوا دي كلها ملهاش لازمه لو مقفلتوش النفق السفلي

نور: ثانية انتي قلتي ايه دلوقتي

ايريس: اممم انا مش متاكده انا بتكلم عن ايه الواضح ان انا دخلت لجزء من ملف ذكرى قديم تم اعادة بناءة, انا تذكرت وجود نفق خفي بيودي لبرج الفندق الرئيسي

نور: سيف لو الكائنات دي عرفت النفق ده مش هنعرف نوقفهم

انا: ايريس انتني عارفة مكان النفق ده

ايريس: يتم الفحص, لم يتم العثور على اي مخطوطات, ايجاد اختصارات .... تم ايجاد اربع ملفات تحتوي على المصطلح مخزن النبيذ

انا: في مخزن النبيذ ده فين المكان ده

نور: بيتهيالي انا شفت سلم في المطعم بيودي ليه انا هروح دلوقتي واشوف لو هلاقي النفق ده

نور: انت ... عايز تيجي معايا, انا مش عارفه هعرف الاقيه لوحدي ولا لا

انا مصدقتش نفسي لما قالتلي وحسيت بفرحة كبيرة بس بصيت لكل الشبابيك اللي المفروض لسه هقفلها وبصيت على وشها وابتسامتها الملائكية وطبعا اخترت الشبابيك

نفسي: خخخخخخخخخخخخ شبابيك مين يا عرص متضيعش مننا الفرصة

انا: براحه ياعم ايه العنف ده مش اوي كده

انا: انا راشق معاكي

نور: طب يلا بينا

ورحت وراها لمطعم ترتوجا اكبر مطعم في الفندق

نور: اهو

وكان في باب في الارض مكتوب عليه مخزن النبيذ رفعت الباب ده ولقيت وشفت السلم والدنيا مظلمة تحت

نور: تفتكر الدنيا امان تحت

انا: عيب عليكي معاكي باتمان اللي الظلمة نفسها بتخاف منه

نور: طب انزل يا شبح

ومسكت ايدي ونزلت ورايا عشان منبعدش عن بعض واحنا نازلين عنينا ابتدت تتعود على الظلمة شوية وابتدينا نشوف المكان حوالينا

نور: ايه ده دي عندهم ازايز من سنين غريبة 1954 و1908 و 1873

ولقيت على طرابيزة ازاة مفتوحة وكبايتين فيهم شوية صغيرين

انا: تفتكري كان في ناس قاعدين هنا لما حصل اللي حصل اي كان هو ايه

ونور مردتش عليا ولما بصيت عليها حتى والدنيا مظلمة شوية بس شايف عنيها مدمعة خفيف

نور: تفتكر هيحصل ايه يا سيف لينا يعني اقصد

انا: ده مش بايدينا

نور: قصدك ايه

انا: محدش فينا اختار اللي بيحصل ده حتى لو احنا في النهاية خلاص احيانا لو حاولتي عل قد ما تقدري مش هتعرفي تغيري حاجات في العالم ده بس ده مش المهم, المهم هو لما يجيلك فرصة تغيري حاجه يبقى تنتهزي الفرصة دي مهما كان ايه اللي هيحصل في الاخر

نور: هو ده رايي برضو, دلوقتي يلا ندور على النفق المخفي ده

قاعدين بندور في المكان والدنيا مظلمة شويه وبعد شوية لقيت نور وقفت عند ازازة معينة وبتقري الورقة عليها

نور: دي ازازة من سنة 1865 دي اكيد هتبقى جامدة

انا: وغالية وانتي شكلك بتفهمي في الحاجات دي

نور: لا مش كده بس ... ولا اقولك مش مهم

انا: قولي

نور: لا ده كلام اهبل

انا: ياستي قولي

نور: متضحكش عليا بس انا بصراحة كنت عايزة اجربه عشان انا نفسي اجرب كل حاجه عشان احس اني عشت حياة كاملة وساعتها اعيش بقيت عمري في سلام داخلي

انا: اي حد بيبقى عايز يعيش في سلام

نور: ايوه اينعم انا سمعت ناس بتقول ان الاوقات الصعبة بتخلي الشخصية اقوى بس ممكن اكون مش عايزة ابقى قوية تاني انا تعبت من اني ابقى قوية

وراحت نور لحيطة معينة وبتمشي ايدها على خط فيها

نور: في فراغ في الخط ده ممكن يكون هو ده المدخل للنفق

انا: فين

نور مسكت ايدي بتمشيها على الخط

نور: هنا

وانا مش مركز في اي حاجه غير فيها هي ملامح وشها اينعم الدنيا مظلمة شوية بس برضو باينة وشعرها الناعم الحرير وعنيها اللي لمعتها بتسحر الواحد مقدرتش امسك نفسي قربت عليها واخدتها في بوسة جامدة وباكل شفايفها الناعمة وهي برضو وبنهجم على شفايف بعض وبنتخانق على مين يبوس مين

نور: سيف ....

وبتشدني عليها اكتر وانا شلتها وزنقتها في الحيطة ومكملين بوس لغاية ما نور بصت لتحت وميلت براسها على صدري

نور: انا مبعرفش ابعد عنك احيانا

انا: وانا برضو ومش عايز ابعد عنك بس هديكي مساحة اكبر تفكري, خلينا نكمل المهمه اللي احنا فيها

نور: بالظبط انا بس مش عايزه كل حاجه تنتهي من غير ما ابقى .... ما ابقى معاك فاهم

انا رفعت راس نور وبصيت في عنيها

انا: انا مش هسمح لده يحصل

(طبعا انتوا مش فاهمين ايه العلاقه بينهم بس في جزء من الاجزاء انا مش فاكره هي قالت انها محتاجه وقت تفكر في العلاقة دي شوية بس بطريقة غير مباشرة ولو حصل ونسيت اني اقول التفصيلة دي في اي جزء من الاجزاء معلش اعذروني اصل كنت بتعولق احيانا ومكنتش ببقى مركز اوي)

نور: يلهوي انت اتبهدلت من الروج اللي حطاه استنى انضفه

وجابت منديل من على طرابيزة ولسه هتحطة على وشي لكن وقفت فجاة

نور: في حاجه مكتوبة على المنديل ده

انا: مكتوب ايه .. ايه ده "أ = ب+ج- د"

نور: معادلة رياضية, ممكن تكون بطريقة ما دليل عشان نلاقي مدخل النفق

انا: دول اربع حروف وبيمثلوا اربع ارقام

نور: طب احنا في مخزن نبيذ ايه علاقته بالاربع ارقام

انا: ممكن يكون مقصود بالاربع ارقام دول سنة ما لو خدتي بالك احنا متحاطين بازايز من سنين مختلفه وكل السنين اربع ارقام

نور: ممكن تكون صح

انا: لا مش ممكن انا اكيد صح

نور: يعني احنا بندور على سنة الارقام بتاعتها بتمثل المعادلة دي

انا قعدت ادور على اي حاجة قريبة للمعادلة دي على الازايز واحط كذا سنة مكان الحروف بس برضو مفيش نتيجة لغاية ما افتكرت الثلاث ازايز اللي نور قالت عليهم من البداية 1873 و 1908 و 1945 ورحت ليهم وجربت لغاية ما لقيت الحل

انا: نور تعالي انا خلاص لقيت الحل المعادلة دي بتمثل سنة 1908

نور: اها فعلا لو حولتها لمعادلة هتبقى 1=9+0-8 وكده هتبقى 1=1 يبقى المعادلة مظبوطة صح

انا شديت الازازة اللي من سنة 1908 ولاقيتها مزيفة

نور: ايه ده دي عاملة زي سكينة الكهرباء ارفعها كده

رفعت الازازة وسمعت صوت تكتكه وبعد كده فتح باب في ظهري

انا: النفق اهو

نور: هو ده المكان اللي الناس بتطلع منه للفندق هما محتاجينة ليه اصلا

انا: انا من ساعة ما جيت هنا وانا بسال ليه دايما بس ليه سنة 1908

نور: اكيد الارقام دي مهمه لزهران, احنا لازم نقفل النفق ده ونتاكد ان مفيش مخلوق يقدر يخش منه

انا ونور قعدنا نسد البوابة بصناديق من النبيذ وجربت السكينة دي تاني بس البوابة مفتحتش

انا: بس كدة المهمة خلصت

انا ونور طلعنا على السلم

نور: شكرا انك جيت معايا

وباستني في خدي وبعد كده لقيت وشها احمر جدا وطلعنا واحنا ساكتين وبعد كده طلعنا ولقينا علي وندى شايلين حاجات وطالعين بيها

انا: رايحين فين دول

رحت وراهم ولقيتهم دخلوا القاعة ولقيت مريم وحسن وليلى قاعدين جنب طرابيزة مليانه حاجات

انا: ايه كل ده

علي: مش واضح ولا ايه هنعمل افخاخ

ليلى: انا رميت ازاز مكسر على الارض في شوية ممرات

ندى: انتي بتعملي ايه دلوقتي

ليلى كانت ماسكة شوية اسلاك كهرباء وبتقطع فيهم

ليلى: اها دول انا قطعتهم من الحيطة ممكن نغرق الارض مايه ونرمي الاسلاك العريانه دي في المايه ولو حد دخل نضغط على كبس الكهرباء ويتكهرب علطول

انا متفاجئ: فكرة حلوه (من شخص غبي)

مريم: انتي اتعلمتي منين تعملي اللي بتعمليه ده

ليلى: كنت بروح اخيم

حسن: مفيش حد بيتعلم ده في التخييم

علي: عموما لسه معانا خامات نعمل بيهم ايه, في هنا ازازة زيت رش غريبة

علي بعصبية: المفروض مقولش الكلام ده بس احنا في ظروف غريبة ومعانا ناس اغرب ارجوكوا محدش يرش منه على عنيكوا انا رايي نرش منه على

حسن: على السلم عشان اللي يطلع عليه يتزحلق وميعرفش يمشي ورانا

علي بعصبية: مش انا بكلم يلا, انا رايي نحطه في بلالين ونرميه على الكائنات دي ونعميهم

ندى: ايه رايك يا سيف

انا: نحطه في بلالين احسن عشان احنا مش ضامنين في مداخل تاني للفندق في دور علوي ولا حاجه كده اضمن

ليلى: عموما كده احنا هنسبب اذى كبير ليهم

حسن: بصوا كده لقيت ايه ده جهاز لاسلكي وفريم صورة وحديدة غريبة

علي بعصبية: ما تبطل طفولة وتكبر بقى ايه الهبل اللي انت جايبه ده وبعدين هنعمل ايه بفريم صورة

وعلي بياخد الفريم يرميه خد باله من صورة في الضهر وكان فيها حاتم زهران قاعد على جهاز العاب في اوضة العاب ومكتوب حاجه

انا قريت اللي مكتوب عليها

انا: مالك فندق الجوهرة حاتم زهران حطم رقم جديد في لعبتة المفضلة

حسن: يبقى في اوضة العاب في مكان هنا

علي بعصبية: بس اكيد ملهاش اي لازمة هنعمل بيها ايه انت عبيط منك ليه

ليلى: طب احنا باقي كده معانا انبوبة اكسجين من بدلة غطس

مريم: طب كويس اكيد الاكسجين ده مضغوط جامد في الانبوبة لو قدرنا نكسر الانبوبة من فوق الهواء هيخرج منها بسرعة وهتبقى زي الصاروخ

ندى: انا عندي فكرة تانية احنا ممكن نحطة تحت المايه ممكن مثلا ورا الشلال اللي في البسين وبالطريقة دي هيبقى في مكان نستخبى لو حصل واتزنقنا نستخبى تحت المايه ومنحتاجش نطلع ناخد نفس

انا: رايي نعملها زي الصاروخ

مريم: متشكره جدا على رايك بس انا مكنتش باخد اذنك اصلا رايك ده تلفه وتحطه في ... جيبك, ايه دماغك راحت لفين

انا: شكرا يا محترمه يا بنت البهايم

مريم: انا بنت بهايم

انا: ده اللي انا سمعته, انا سمعت على قال عليكي كده من شوية

مريم بعصبية: انت يلا بتقول عليا بنت بهايم

على: انا نطقت اصلا انا متزفت ساكت اهو

انا: خلاص محصلش حاجه هو هيعتذرلك اهو

علي: اكتم يلا

انا: اعتذر بدل ما تصحى من النوم تلاقي نفسك اقرع

علي بقلق: انا اسف لسعادتك يا مريم هانم

انا: شششش خلاص نكمل كلام

ليلى: طب كده احنا اتفقنا هنعمل ايه يلا ننفذ بقى

في الممر وانا ماشي لقيت معتز ونرمين جايين وشايلين كياس فيها حاجات غريبة بس واضح منها انها زي عصيان كده

انا: وانتوا بتعملوا ايه بالظبط

معتز: كابتن امريكا قال اننا محتاجين اسلحة وجبنا اسلحة اهي

نرمين: دي مضارب بايسبول وحاجات تانية ومش هتاثر اصلا

انا: انتي ليه سلبية اوي كده

نرمين: عشان مش فارق هتحط ايه في ايد الشخص طالما مش هيعرف يستخدمه وطالما هما مبيعرفوض يقاتلوا يبقى مبيعرفوش يقاتلوا

معتز: ومفيش حد هنا بيعرف يقاتل صدقني

انا: ايه ياعم وشريف واحمد دول بيعملوا ايه

معتز: اها هما اقوياء وناشفين بس ده شغل عيال اكيد اتخانقوا قبل كده بس في فرق لما يبقى الموضوع حياة او موت

نرمين: لما تدخل في الجد يا سيف هتتمنى انك تعرف تدافع عن نفسك

معتز: اقولك انا ممكن اعلمك كام حاجة تعالى ننزل على الشط احنا لسه مسديناش المدخل اللي ورا بس هيبقى من جوه سور الفندق عشان نبقى في الامان

نرمين: او ممكن انا اعلمك اهو على الاقل هتتعلم حاجه مفيدة

انا: خلاص طب ما تعلموني انتوا الاتنين

معتز: خلاص اشطا تعالى بقى على الشط عشان لما تقع على طيزك متوجعكش

انا: يا خفة ددمم اهلك

ونزلت انا معتز ونرمين وواقف وبواجه معتز واحنا واقفين في المايه لحد تحت ركبنا بشوية

معتز: ماشي افتح رجلك شوية كمان

انا: اهو

معتز: كدة احسن بس برضو زي الزفت

نرمين: مبتعرفش تعلم حد يا طيار

معتز: انتي بتعايريني يعني اني طيار ولا ايه, خلاص تعالي انتي ورينا جمال فخدتك

انا: متتظبط يا علق انت مالك مش طايق حد ليه

نرمين قلعت وجت وقفت معانا في المايه

نرمين: عمرك ضربت حد قبل كده

انا: عمري ما احتجت اتخانق مع حد عشان اخد اللي عايزه اللي قدامك ده دماغة بتجيب كل حاجه هو عايزها تحت رجلية بس برضو ده ميمنعش اني اتخانقت قبل كده

نرمين: يا راجل طب كويس انك مبتمشيش تتخانق مع دبان وشك زي واحد كده

معتز: عايزه ايه سعادتك

نرمين: اللي على راسه بطحه

نرمين: عموما احسن حاجه تعملها انك تنسى كل حاجه انت تعرفها واتعلم من البداية, اسوء عدو لاي حد هو نفسه كل اللي عليك انك تقلب ده عليهم

معتز: ايه الفلسفة اللي بتقوليها دي هتبوظي دماغ الواد

نرمين: انا كنت فاكره اني هعلم سيف بس شكلك عايز تتعلم انت كمان

معتز: كل اللي انت محتاجه انك تتعلم ازاي تهجم باي حاجه قدامك خليك ناشف كده افضل اهجم وهما يدافعوا وميلحقوش ياخدوا نفسهم

نرمين: لا انت محتاج تستخدم وزن حركة اللي قدامك وتعكسها وساعتها انت اللي هتضربهم

انا: خلاص قولي يا نرمين اللي عايزة تعمليه

نرمين: شكلك هيجي منك حاجه حلوه, بص بقى انا هضربك كام ضربة براحة خالص اللي عايزاك تعمله تشوف حركة جسمي ازاي وتتوقع انا هروح فين ولما تلاقي ته واضحه تمسكني منها, يلاا

نرمين بتضرب كام ضربة وانا مركز على حركة جسمها وتفاديت كام ضربة منها بالايد والرجل والكوع ولما جت الفرصة قربت منها ومسكتها من بطنها ورمتها على الجنب

نرمين: كويس جدا

معتز: حلو الشغل ده

وقعدت ساعة بتمرن على الطريقة دي لغاية ملقيت نفسي مش عارف اخد نفسي

نرمين: تعبت ؟ كويس كده بقى الجزء الصعب هيبدا

انا: هو ده مش الجزء الصعب

نرمين: انت لازم تواجه حد مننا

معتز: هتقدر ولا هتتفشخ

انا: ايه ياعم انت وهي انا تعبت

نرمين: ما هو ده احسن وقت عشان انت مش عارف هما هيهجموا امتى

انا: خلاص هواجه معتز

معتز: هتواجهني انا حد يبدا بالوحش

نرمين: اخلص يا تنح

ومعتز هجم عليا بسرعة كبيرة وانا بتفادى الضربات وبرجع لورا وبراقب حركته

معتز: مش قلت الهجوم احسن

وهو بيتكلم مركزش وهو بيضرب بكوعة وسع ايده شوية زيادة وبطنة ظهرت قدامي وضربته في ضلوع صدرة وهو اترمى على الارض وانا رحت لاوي دراعة على الارض ومسبته

انا: استسلم لافشخك

معتز: خلاص ياعم مستسلم

ولبسنا احنا التلاته وماشيين ودخلنا الفندق وانا ماشي فجاه سمعت صوت ناس بتصوت بفرح قريب دخلت وبصيت لقيت اوضة العاب وفيها بلياردو وبنج وكوتشينة وحاجات تانية

انا: لقيتوا اوضة الالعاب

ولقيت ثلجاوي جه جري وطلع على كتفي وقعد

خالد: احنا كنا بندور على حاجات نسد بيها الشبابيك بس اتشغلنا شوية

احمد: بس المكان جامد

سلمى: ممكن تسكتوا شوية انا بحاول اركز

وبتركز قوي وهي باقي ليها كورة واحدة بس وتلعب على الكورة السودة

خالد: احمد هيغلب سلمى لو مجبتش دي

سلمى بعصبية: مش قلت اتخرسوا

ايريس: سلمى التحاليل بتتوقع انك من الزاوية اللي بتضربي منها الكورة مش هتيجي, اسمحيلي اساعدك

ايريس بتعمل صورة هولوجرام للمكان اللي المفروض سلمى تضرب فيه الكورة عشان تيجي وسلمى نشلت فيه بالظبط

احمد: ايه الغش ده

وضربت الكورة جت في الكورة بتاعتها وجت في الكورة السودة والاتنين دخلوا

سلمى: وسع كده وسع كده اوعى تعيط يا احمد مش جيم اللي يعمل فيك كده

وانا بضحك على اللي سلمى بتعمله عيني جت على اللعبة اللي زهران كان بيلعب عليها

انا: استنوا يا جماعة مش دي اللعبة اللي حسن لقى صورة لزهران وهو بيلعبها

سلمى: لعبة المطاردة دي بتتكلم عن محققين قضايا والمفروض انك بيظهر قدامك اتجاهات وانت تروح على الاتجاهات اللي مكتوبه قدامك بالدراعات يعني جالك سهم يمين تحرك الدراع يمين جالك سهم فوق تحرك الدراع لفوق

خالد: ايه اللعبة الغريبة دي عمري ما سمعت عنها

انا رحت عليهيا ومسكت الدراعات بتاعتها وحسيت بشعور غريب

انا: مش عارف ليه حاسس ان اللعبة دي مهمه

احمد: جرب كده شوف هتوصل لايه

ايريس: للتحذير اللعبة صعبة جدا قليل اللي بيقدر انه يوصل لرقم زهران

اول ما دخلت على اللعبه مكتوب عليها المطاردة بواسطة شركات زهران, ومكتوب اعلى سكور 1000000 وكان فيه اختيارين الاول مكتوب ابدا والتاني مكتوب عليه اداة الغش, انا قولت اخش على اداة الغش ولقيت مكتوب ان الكود اللي المفروض يتكتب يبقى اربع ارقام ف انا قولت اجرب اكتب التاريخ بتاع الازازة اللي هو 1908 اول ما كتبت الكود كتبلي تفعيل مود عدم الخسارة

خالد مستغرب: انت عرفت الكود ازاي

انا: تحت في مخزن النبيذ نور وانا لقيت مجموعة من الارقام وشكلها كانت مهمه لزهران انا مش مستغرب انه طلع هو نفس الكود اصلا

سلمي: انا متاكده انه مكسبش اللعبة بشكل قانوني اكيد هو غش

احمد: انتي بتقولي ايه انتي لسه غشه عشان تكسبيني

سلمي: عادي لما انا اعملها بس مش اي حد يعملها

انا بدات اللعبة والمود ده خلى اي اتجاه اروح عليه يبقى صح فوق او تحت مش فارقة وفضلت مكمل لغاية ما وصلت لسكور 1000000 وكتبلي انت وصلت للسكور المثالي الان برجاء كتابه اول احرف من اسمك ف انا قولت اكتب حروف زهران فكتبت ح ز

خالد: يا جماعة بصوا

ورايا على حيطة لقيت باب فتح

احمد: تعالوا نشوف زهران بيه مخبي ايه جوا

ودخلنا لقينا اوضة مليانه شاشات ومكاتب

انا: ايه المكان ده

ايريس: ده شكله مركز امن

انا اتمشيت في الاوضة ولقيت زرار احمر كبير

انا: ن س ح ط ت ايه الحروف اللي مكتوبه تحت الزرار ده

ايريس: يتم البحث, اعادة بناء الذكريات الضارة ...... ده نظام الاستجابة لحالات طوارئ تسونامي

ايريس: ده حدث بيحصل فيه ان موجه كبيرة جدا ممكن تغرق جزء كبير من الجزيرة عشان كده بنوا في الفندق الواح من الحديد معموله انها تقفل على الابواب والشبابيك في العشر الادوار اللي تحت ولما بتتفعل الابواب بتفضل مقفولة لمدة 12 ساعة

خالد: انا رايي نضغط على الزرار عشان نقفل الادوار دي كده احسن من اللي احنا عاملينه

ولقيت سلمى متضايقة شوية

انا: انتي مش موافقة اننا نقفل الادوار اللي تحت صح

سلمى: مش كدة بس عايزة ابقى عارفه المخرج بتاعنا في اسوء الظروف

انا قررت ما اقفلش الادوار

انا: سلمى عندها حق احنا لو قفلنا المداخل تحت هنتحبس ولو حد فيهم دخل هنتفشخ كلنا

خالد: بس لو قفلناه هيبقى اامن لينا بس مش مهم احنا عرفنا انه موجود بالصدفة

انا: ممكن نلاقي حاجه تانية هنا تساعدنا

قعدنا نلف في المكان ودورت في درجين ولقيت احمد بيتكلم وصوته مهزوز شوية

احمد: سيف تعالى بص كده

ولقيته بيتديني ملفات في ايدي

انا مستغرب: ده ملف باسمي

خالد: عندهم ملف ليك انت كمان

فتحت الملف بتاعي اشوفوا لقيت مش مكتوب فيه اي حاجه لا اسم اب ولا اسمي حتى ولا اي حاجه ما عدا السن وحاجه تانية غريبة جدا مكتوب محل الميلاد جزيرة ناساو ومكتوب في بقيت الملف بخط كبير مين الشخص ده, ومكتوب في مستوى الخطر 10 يعني غالبا اعلى حاجه

انا مصدوم: ايه ده الكلام ده معناه ايه

خالد مستغرب: وليه مكتوب انك مولود في ناساو

انا مستغرب: انا متولدتش هنا

ولقيت ورقة تانية وقعت من الملف ووطيت عشان اخودها ولاحظت انها جديدة جدا كانها لسه مطبوعة من شوية صغيرين وشفت الوش اللي على الملف وكان عليه صورة علي ولقيت الملف من جوه مختلف عن ملفاتنا كانه ملف موظف شغال تبع زهران

مكتوب ان الموظف ده بطريقة ما قدر انه يخش في الطيارة وانه في طريقة لناساو والموظف المسؤول على كده هيترفد وان اول ما الطيارة تهبط لازم يتواصلوا مع هران فورا

انا مستغرب: الكلام اللي في الملف ده حقيقي

سلمي: وده معناه ان علي من موظفين زهران

احمد بعصبية: ايريس ازاي متقوليش لينا الكلام ده اسمك مكتوب في الملف

ايريس: فعلا مكتوب اسمي بس انا معنديش اي معلومات عن الورقة دي السيستم بتاعي لسه بيتبني من الاول

خالد: انتوا عارفين ده معناه ايه, علي هو الفائز 11 الشخص اللي المفروض ميكونش هنا, هو كان بيتواصل مع حاتم ?