مكتملة الفرصة الاخيرة | السلسلة الأولي | ـ عشرة أجزاء 1/12/2022 الجزء الاول

"الحياه فرص فاذا اتتك فاغتنمها"

بطل القصه : "زيدان احمد حمد الحيني" زيزو الوصف( 180 سم , 16سنه القصه لسه في البدايه هيكببر متخافش ,جسمه كويس مش بدي بلدر بس كويس, عيونه سوده , بشرته قمحي فاتح ,لحيه خفيفه , عيون سوده سواد قاتم وباهته و نظرته مرعبه, شعر اسود برده , حواجب تقيله ) الشخصيه (طيب قوي وبيسامح بسهوله جدا مهما كان الغلط بيحب يضحك قوي , متفوق في دراسته , عنده املاك كتير بس حتي اقرب صحابه ميعرفوش كدا لانه عايش في حي شعبي بسيط ,بيحبه كل اهل المنطقه)حياته في قبل كدا(فتح عينه عالدنيا ملقاش جمبه ولا اب ولا ام بس كان ليه جده ابو ابوه اصر انه هو اللي يربيه لدرجه انه بيقول لجده بابا ,باباه اتوفي وامه حامل فيه في الشهر التامن بسبب حادثه , اثناء ولادته والدته اتوفت لان حالتها النفسيه مكنتش تمم واضطرو يولدها في التامن وتوفت في الولاده متخافش ابوه ولا امه هيظهر وانهم كانو هربانين من منظمه الاشباح كنت عاوز اعملها بس ناس كتير عملتها قبلي/ , اتربي اول 6 او 7 سنين في حياته علي الدلع وان كل حاجه بالنسباله مجابه بعدها جده اصر انه يروح عند واحد صاحبه في كل صيف اسمه فهد شيخ قبيله عرب لان عندهم في الصيف بيبعتو الاولاد الجبل او المحاجر او غيره عشان يعرفو يبقو رجاله ناشفه وعفيه)



جده : "حمد" يوم ما مات ابنه احمد (ابو زيدان ) وصاه بانه يسمي الولد زيدان وانه يعامله علي انه راجل من صغره ...فكان ديما في اي حاجه مهمه كان بيخاد زيدان معاه ويخليه يقابل الناس اصحاب جده وده خلي عند زيدان حب وانجذاب للناس الاكبر سنا منه ......كان راجل هادي وراسي الوصف(شبه زيدان جدا 192 سم , 67سنه,جسمه ضخم معندهوش كرش دايما في ايده عكاز رغم انه مش بيعرج اللبس جلاليب فلاحي بس حاجه فخمه فخمه يعني وغاليه بيقابل بيها اتخن بدله فيكي يا بلد , عيونه سوده , بشرته قمحي غامق , شنب تقيل ودقن تقيله مش سايبها ولا مربيها حاحه وسط كدا , عيون سوده سواد قاتم وباهته و نظرته مرعبه (ورثها منه زيدان), شعر اسود به بعض الشعريات البيضاء , حواجب تقيله ) حياته(يملك مزارع في كل بقاع مصر مش كلها كبيره بس موجوده عشره فدان هنا ,عشرين هناك , ميه هناك...وهكذا يعني .../هتعرف مصدر الفلوس دي متخافش +مش حشيش ولا اثار ولا سلاح/ وعنده شركه استيراد وتصدير بيصدر منه منتجات مزارعه فقط لاغير ..عنده علاقات مع كل الناس الغني والفقير الصغير والكبير وده يرجع لانه بيحب الناس وكل الناس بتحبه واقرب حد بالنسباله هو الحاج فهد العرباوي لان ليهم اموال وشغل مع بعض ..عنده من الاولاد /*"احمد ابو زيدان" , "محمود عم زيدان ", "بسمه عمه زيدان " ومن يوم ما مات احمد ابو زيدان جده اعتبر زيدان ابنه لدرجه انه اجبر عيال عمه انهم ينادوله يا عمو مع ان فيهم الاكبر منه واللي قده)



اي رايك يا زوز (دلع عزيزي القارئ بتاعه عمنا الكبير ""حماده فتحي"" )

نكمل؟..

المهم نبدا كدا بفلاش باك من فتره كويسه قبل العز الي هما فيه ده كله ..ومن 30 سنه بالظبط



بيت متكون من دورين مبني علي مساحه 400متر الوان البيت ابيض ورصاصي مفيهوش حاجه مميزه قوي غير ان البيت من جوه لو دخلته هتلاقيه اشبه بالقصر ساعه ما هتدخل هتعرف انك داخل بيت فيه ست بيت شاطره قاعد... في برانده البيت(بص لو مش عارف البرنده ...البرنده هي بلكونه كبيره بتبقي قدام باب الدور الارضي)قاعد الحاج حمد بيبص علي ارضه اللي مساحتها 150 فدان ودول بالنسباله كل ماله ومحتاله وكل ما خرج به من هذه الدنيا بنت الفانيه(لانه رفض يعيش في بلدهم اللاصليه في المنيا ورفض ياخد ورثه ولا رضي يشتغل معاهم حتي وفضل انه يعيش بعيد عن الصعيد ومشاكله) وقاعد جمبه ابنه محمود الكبير ......

داخل عليهم احمد ابنه /18سنه/ وابتسامه عريضه ماليه وشه وشايلا الشيشه ورايح ناحيه ابوه

احمد باتسامه عريضه : حاج حمد حبيبي/حط قدامه الشيشه/ تصدق واحشني يكبير البلد دي والبلاد اللي جمبها

الحاج حمد ضحك جامد : عاوز اي يا يبن الصرمه

صوت انثوي لطيف جاي من جوه البيت مصحوب بنبره تهديد مصطنعه : سمعتك يبن الحيني

الحاج حمد : احم لا بنجيب سرتك في الخير يا ام محمود يا قمر

ام محمود :كل بعقلي حلاوه كل ...ابقي شوف هتنام فين بقي علي كنبه الصاله ولا برا البيت

الحاج حمد: بص لاحمد ...عاجبك يا اخويا ...دا انت نهارك اسود ..وربنا منت واخد المصلحه اللي انت جاي تتمحلس عشانها

احمد بزعل مصطنع : لي كدا يحج دانا جايبك خبر

Sponsored by:

حلو ومصلحه

الحاج حمد: اشجيني..

احمد : هقولك عشان انت راجل طيب بس ....انا بقول نبدا بالخبر وبعدين المصلحه...//اتعدل في قعدته واتكلم بكل جديه//انا طلعت الاول علي محافظه البحيره والتاني عالجمهوريه يحج

الحاج حمد : ..صمت وسكون هادئ لمده نص دقيقه ...فاق من سرحانه وقام واخد ابنه بالحضن وحضنه جامد وهو بيعيط اخيرا هيبقي عندي ابن اتفشخر بيه قدام العالم واقولهم ابني ادكتور راح ابني الدكتور جه

احمد بابتسامه :هتكسر ضلوعي يحج وهموت في ايدك انا مش حملك ولا هيبقي عندك لا دكتور ولا ابن

نزله وبص لمحمود الكبير اللي كان قاعد وعلي وشه علامات الاشمئزاز: قوم ياد يا محمود نقي اكبر عجلين من الزريبه وابعت حات الجزار ادبح واحد وفرقه عالناس والتاني تبعت تجيب طباخ و تجيب فراشه هنغدي اهل البلد كلها عندنا هنا..وبصه استغراب اعتلت وشه......واد يا محمود انت مالك بتبص كدا ليه ولا قومت باركت لاخوك ولا حاجه

محمود باشمئزاز : وهو كان عمل اي يعني كان مسك فاسه ونزل عزج الارض ولا زرعها ولا حصدها بسلامته ..منت اللي مدلعه وبتعمله كدا بدون سبب ولا كان هيعرف يعمل كدا لو كان طول النهار في الارض زيي



الحاج حمد غضب وبيرفع ايده عشان يضرب ابنه بالكف ..علامات الزعر بانت علي وش محمود هو عارف ان الكف ده لو نزل علي وشه هيكسر جمجمته......جري احمد في حضن ابوه وحضنه



احمد في حضن ابوه وهو فعينه الدموع ونبره كلامه تدل علي الخوف و الحزن و صعوبه التنفس الناتجه علي انه هيعيط: والنبي يابا ما انت منزلها علي وشه // بعد وشه عن صدر ابوه وبص في عينه بعينه اللي بتبكي// وايدك لو هتنزل علي وش حد يبقي تنزل علي وشي انا ...//وابتسم رغم الدموع اللي علي وشه الابيض وخده الاحمر وبص لاخوه//...وبعدين اخويا يقصد اني كان المفروض اكون الاول عالبلد كلها مش بس المحافظه ...//ابتسامه كلها براءه // مش كده يا اخويا ؟؟



كل ده ومحمود واقف مصدوم من رد فعل اخوه اللي كان من المستحيل انه يتوقعه وامهم واقفه سانده عالباب بتراقب في صمت بدون اي تعابير علي وشها وكان الموضوع عادي بالنسبالها او انها اكبر من حاجه تافهه زي كدا ومرات محمود بتراقب من الدور التاني وهي بتغلي من جوه دقيقه صمت عدت سنه عالكل



بص احمد لابوه تاني وهو لسه الدمع علي وشه : وبعدين يحج الكبير ينزل عند البهايم والصغير قاعد ؟؟..انت عاوز الناس تقول عنا اي وفين الاصول في كدا

الحاج حمد :// نزل ايده برقه ومسح دمع ابنه //..اصيل يبن ورده

احمد متجها نحو محمود : تسلملي يا حاج يا عسل ....هروح بقي اخلص طلباتك واوعاك تزعل محمود منك دا برده كبيرنا بعدك //ونزل مسك ايد اخوه وباسها //واتجه نحو الزريبه // يلا سلام



سكت الحاج حمد لانه عارف انه لو اتكلم هيزعل محمود وده ضد طلب احمد اللي ابوه مش بيرفضله طلب ..دخلت مرات محمود من البلكونه وكانت متغاظه جدا



ام محمود : //بهدوءها المعهود// محمود تعال عوزاك تجيبلي حاجه من فوق الدولاب ودخلت



محمود مشي زي المسحور لانه عارف امه وخايف من رد فعلها ولانه مصدوم من رد فعل اخوه الصغير اللي وقف في وش المدفع اللي محدش يقدر يقف قصاده لحد ما وصل اوضه امه قعدت امه عالسرير





ام محمود : //بتشاور جمبها عالسرير بعد ما قعدت // اقعد يبن بطني

قعد محمود وباين عليه الخجل من نفسه : نعم ياما

ام محمود : هسالك وترد بدون ملاوعه ..والا انت عارف

محمود :اسالي يما

امه : بتكره اخوك ليه يا ولد من يومك وانت بتحبه وبتخاف عليه

محمود : مبنكرهوش يما و**** بس مش عارف اي اللي جرالي

امه : مش عارف ...ماشي..الحربايه اللي فوق دي قالتلك اي عن اخوك

محمود بتوتر حاول اخفاءه : مقالتش يما

امه : هتنطق بالزوق ولا انطقك بالعافيه ..وانت عارفني يولدي

محمود بان عليه الخوف وبدا يعرق : هقولك يما بس وحياه جدي ما تزعل مني

امه : حلفتني بالغالي ...قول وعليك الامان

محمود : بقالها فتره عماله تلعب في ودني زي الشيطان يما ...بتستني لما ابقي جاي تعبان من الشغل وتعد تقولي اني بتعب وان اخويا مكبر دماغه وبيتحجج بالدراسه وان انتي وابويا مدلعينه وانه المفروض يتشد عليه شويه وانا يما كنت بسكت عشان ابني مكنتش بنرضي نزعلها عشان ضنايا اللي في البيت الواد لسه عنده سنتين يما وعشان كرامه امها وهي

Sponsored by:

خالتي ملهاش عليا كرامه احسن ليها عشانها مهي اختك وكنت بنخاف نزعلها تيجي تشكيلك بس باين كدا انها وسسوستلي صح كنت في الاول بنفضلها بس شكلي صدقها يما .//بدا في العياط// ..صدقتها علي اخويا يما

حضنته امه :متعيطش ...الكبير مبيعيطش ...عايز اخوك اللي مكبرك يجي يلاقي اخوه بيعيط ؟؟

محمود مسح دمعه وتمالك نفسه : اول ما يجي هبوس ايده قدام الكل عشان يسامحلي



بعد نص ساعه داخل احمد ايده ورا ضهره البيت ولقا اخوه امه ومراته وابنه في الصاله

احمد مبتسما : سلام عليكم يا عيلتي وعزوتي وكل ما املك ....امال فين الحاج حمد راح يعط ولا اي //وضحك ضحكه بريئه //وبص لابن اخوه وطلع ايده من ورا دهره اترايه جايبه جلابيه بيضه متفصله علي مقاسه // خدي يا ام حسن لبسيه الجلابيه والسروال دول مفصلهمله ..



قام محمود من سكوت ولراح مسك ايد احمد ونزل يبوسها ...شد احمد ايده

احمد : اي ده يعم محمود يكبيرنا هو مين يبوس ايد مين //ونزل بسرعه مسك ايد اخوه وباسها// وابتسم بطيبه و**** لو كنت بوستها كنت قطعتها

محمود :سامحني يخوي شيطان وهيروح لحاله ...وبيبيص لقا مراته هتولع من الغيظ وبعدل نفسه وقامو وقفو

امهم : بقولك اي يا ام حسن ..خدي حسن واطلعي الا انا عاوزه اقعد مع عيالي شويه وبصت لعيالها اصلي مقعدتش معاهم من زمان

ام حسن (مرات محمود (سمر)): وانا مش بنتك ولا اي يا امي

امهم : لا انتي بنت اختي ...لما تبقي طالعا من بطني ولا شربتي من لبني ابقي كدا امك غير كدا انتي بنت اختي ومرت ابني واطلعي بدل ما اطلعك انا علي لبيت اهلك

قامت سمر وهي ودنها بتطلع دخان من الغيظ وهي عارفه ان حماتها مش بتهددها هي ممكن تعمل كدا بدون ما ترمش

احمد واقف مش فاهم حاجه : هو في حاجه انا مش عارفها ؟؟

امهم : اقعدوا يولادي.....وحكو لاحمد كل حاجه..انت اي رايك يا احمد...(طبعا انت متوقع ان الغلبان احمد ده هيسامحها وقلبه الابيض هيسوقه انه يسامح.......اتقل)

احمد : //بص في الارض..صمت مده دقيقتين حدادا علي موت الشخص الطيب احمد واول ظهور للشخصيه اللي الكل بيخاف منها الحيني(بص يا زوز انت طبعا مش فاهم حاجه دلوقتي الفكره ان الشخص طول ما هو بطبيعته في القصه دي فهو طيب لكن لما تلاقيني دخلت اسم الحيني للي هو اسم عيلتهم اعرف كم الشر اللي هيكون في المشهد الجاي لان الحيني ده اسم اللي يسمعه يترعب لانهم من ايام المماليك بشوات ..بشوات مين ...دا الباشا يقف قدامهم يضرب تعظيم سلام ..دول سفاحين )وبص لامه واخوه بنظره عينه الباهته وهو قافل عينه ربع قفله (نظره كيلو من انمي هنتر في وضع السفاح او القاتل ..هحطها في اول كومنت) احمد مش بيخاف او بيكره اي حاجه مهما كان الا اللي يجي علي حد من عيلته// محمود ..هترضي بكلام اخوك الصغير مهما كان ؟؟

محمود بص لامه وبعدين بص لاخوه : مفيش صغير احنا الاتنين اخوات

احمد : ابعت حد من عمال الارض ينادي خالتي اسماء وجوزها ..خالتي وجوزها بس بس في ظرف ربع ساعه يكونو هنا وابعت للبت بسمه اختك تيجي من عند صاحبتها هي الوحيده اللي هتفهمني //وقام دخل اوضته يغير هدومه اللي كان لابسهاا عند البهايم ولبس جلابيه زي بتاعه ابوه وجاب مسدسه الاسود مكتوب عيه بالدهب اسم احمد و نبوت معدني راسه منقوش عليها رسمه ديب لو سحبته بيطلع خنجر فضه طوله 25سم و مكتوب عليه من ناحيه الحيني ومن ناحيه رسمه عين//

محمود : حاضر //وقام راح نادي واحد من العمال //

محمود : خد معاك كمان 2 ومراتك وتروح تقول لخالتي اسماء تيجي البيت في ظرف 10 دقايق ولو لاوعت معاك بالكلام هتشيل انت والرجاله جوزها وتجيبوه وهي تجيبها مراتك ..تعرف بيتها صح

العامل : حاضر يبيه ...بس لي؟؟

محمود : هتبقي تعرف بس لما تيجي بس جري

العامل : فوريره يبيه //وطلع يجي خد العمال وراح لبيت خالتي اصلا بيننا وبينهم 200متر //وراح محمود نادي بسمه وفهموها وهي عرفت احمد عاوز اي لانهم هما الاتنين بيفهمو بعض رغم انها اكبر منه

العامل : يحجه اسماء ..يحجه اسماء ...

اسماء : في اي يا تور ...الا انت يلا مش انت اللي شغال في ارض حمد جوز اختي

العامل : يسمحك **** ...حاتي جوزك وفظرف عشر دقايق تيجي البيت انتي وهو انتي وهو بس شكلها مصيبه

اسماء بخضه : يلاهوي ..مصيبه اي ياد انطق

العامل: والنعمه منعرف

اسماء : استرر ياللي بتستر //ودخلت نادت جوزها وطلعو جري علي البيت//

المشهد في البيت

Sponsored by:

...احمد قاعد علي كورسي الصالون الكبير وتحت ايده الشمال النبوت وباصص للارض وفي ايده اليمين المسدس ووراه من علي يمينه امه ومن شماله اخوه اللي برده ماسك مسدسه ونبوته

دخلت اسماء وجوزها وساعه مشافو النبوت والمسدس عرفو انها مصيبه

اسماء : في اي ياختي

احمد وهو لسه باصص في الارض : اقعد يا خالتي ويا جوز خالتي //وشاورت بالايد اللي سانده عالنبوت بصباعي علي كرسيين قدامي // (*بص يا زوز النبوت ده بيتعمل لاي دكر يتولد في عيله الحيني يعني ابن محمود اللي بيتشال دهو معاه واحد ..اما المسدس فده بقي بنورثه من عيله امي وده مع اي حد من نسل العيله يعني مع ابن بنت او ابن ولد عكس النبوت بيشيله بس الرجاله اللي شايلين اسم الحيني *)

قعدو لانهم عارفين لن الاسلحه دي ممنوع تطلع الا عند الضروره القصوي

جوز خالتي : انتو جايبنا نقعد متفهمونا في اي ...//وبص لاخويا// هو احنا فاضيي يبن حمد عشان نقعد

انا ابتسم باستهزاء وانا لسه باصص في الارض : //بصوت واطي بس مسموع //مش هعديهالك بس نخلص موضوعنا

دخلت اختي لابسه عبايه واسعه حرير وفيها حتت مدهبه و شايله شربات عالصينيه: اتفضلي يخالتي اتفضل يعمي مش بنشوفكو الا كل فين وفين ...دا بقي شربات نجاح اخويا

خالتي : عقبال ما نشرب شربات فرحك يبني

انا : متخافيش قريب ..المهم ///وروحت رافع راسي ليهم وانا ببصلهم بنفس النظره الباهته الحاده///استني ننادي بنتكم الا انا عاوزها تسمع الكلام الجاي ..متناديهالنا كدا يبسبوستي بس خلي حسن فوق الكلام الل يهيتقال وحش ومش عاوزه يطلع لسانه زفر

بسمه :عنيا

وغابت دقيقتين ورجعت وهي مبتسمه وقعدت جمبي و بقت نظرتها نفس نظرتي وبتتكلم بنفس برود اعصابي

بسمه : اقعدي يا سمر //قعدت سمر وهي مش فاهمه حاجه //

انا : يخالتي..عارفه قونين عيلتنا وعيلتك بيقولو اي

خالتي : عارفه يبن اختي

انا : طب اي حكم القاتل

خالتي : يقتل

انا : والسارق

خالتي :تقطع ايده وينفي

قعدت اسالها شويه اساله وهي تجاوب واكننا بنسمع القوانين لحد ما وصلت للي انا عايزه

انا : والكذب

خالتي :نكوي بقه

انا : والتوقيع بين الخوات من الحريم

خالتي : تطلق

انا : والخيانه الزوجيه

خالتي : لو زنت تتعذب لحد ما تموت ...منغير زنا تتجلد 80 جلده من كبير الحكم

بصيت لسمر : سمر....كنتي فين اول امبارح العصر

سمر بتوتر بتحاول تداريه وبتبلع ريقها وتعرق : كنت هنا في الدار

انا : كدا هنكوي بقك ..بسمه

اختي : اؤمر

انا : اي اللي حصل اول امبارح العصر

اختي : و**** منا فاكره //بتعمل عبيطه //اه افتكرت لما طلعت انا ونت علي صويت الواد حسون الغلبان اتاري امه مش هنا

انا : كنتي فين برا الدار يا بنت خالتي

سمر : اه اه افتكرت طلعت نجيب الجبنه من عند الست محاسن اللي بنجيب منها

انا : بسومه ..حصل اي بعدها

بسمه : حسن يحبه عيني مكنش راضي يبطل عياط يماما يماما ..نعمل بقي نزلت ندور عليهت وسيبت حسن معاك

انا : يما ..اللا صحيح هي مش الست محاسن بتجيبلك البن لحد البيت

امي : ست طيبه يبني وجبنتها زي العسل

انا : متكمليلنا كدا يبسومه بقيه الحكايه

بسمه: نزلت يخويا اسال عليها النسوان والغفر كله يقولي محاسن محاسن نروح لمحاسن قالتلي يبنتي انا بنحبك وبنحب امك وهنقولك الحقيقه الهانم نبهت اي حد لو اتسال عنها تقول انها عندي وقومت بوست دماغها وقولتها مفيش هانم هنا غيرك يست الهوانم وفضلت ندور اتاريها بتقابل حبيبها السابق في اخر البلد عند زريبه الحج مطاوع ...مهو ابنه ولبتسمت

انا : اظن كدا وضحت ..بس لسه مخلصتش ..محمود احكي اللي حصل الفتره اللي فاتت

محمود حكي كلا حاجه

خالتي قاعده ساكته وهاديه عشان عارفه ان بنتها غلط سمر قاعده بتعيط منغير صوت لسه برده بتكابر

جوز خالتي قام وقف وهو غضبان وبيمسك ايد بنته وعاوز يطلع وبيزعق : انا هنخرج من الدار ده ولو طلع ورايا جيش هنقتل الجيش ده بايدي ...سامعين يولاد حمد الحي.............



ملحقش يكمل الجمله لقي علي رقبته خنجرين وعلي دماغه مسدسين متعمرين والصباع عالزناد

في نفس النفس احمد ومحمود : الغلط مش بيعدي مرتين يبن حديدي

احمد : انا هنسيبك عشان خالتي بس

Sponsored by:

وعهد اللعلو مقعدت زي الكورس اللي قاعد عليه هنصفيك ومحد هيسال فيك واللي انت محترمتوش هو يبقي ياخد حق منه وسابوه

هو ساعتها حس بالرعب مهما كان مش هيعرف يعمل حاجه و قعد وكل واحد رجع مكانه

احمد : بص لبنت خالته ...بصي يبت الناس انا عاوز نعرف السبب الوحيد اللي يخليكي تعملي كده

سمر :.....

احمد : عن اذنك يا اخويا انا هاخدها نتكلم وحدينا في الوضه //قام وقف وسحبها من ايديها لاوضه مكتب ابوه وقعدها وقعد قصادها //

احمد : هتتكلمي ولا هتفضلي تتشحتفي

سمر : معنديش كلام نقوله

سحب احمد منديله من سياله الجلابيه ومسح دمعها : اخت احمد الحيني متبكيش (*هما خوات في الرضاعه ..احمد رضع من خالته كدا هو اخوها اما محمود لا هبقي اشرحلكم حوار الرضاعه ده بعدين *)

سمر : وفي اخ بيعمل كده في اخته //واتفتحت في العياط وكله بره قاعد علي اعصابه//

مسح احمد دموعها وشربها من قوله عالمكتب وهي هديت

احمد : هتتكلمي ولا نطلع ننفذ عليكي الاحكام دي ؟؟

سمر والنبي لا

احمد : يبقي اتكلمي وريحيني ....ولا اقولك ..اتكلم انا ....الواد اللي كنتي واقفه معاه ده كان مطلع اشاعه انه بيحبك وانتي بتحبيه قبل الجواز وهددك ينام معاكي او يتبلي عليكي وانتي كدا كدا متجوزه ومفتوحه بس انتي رفضتي واديتيله فلوس وخاتمك اللي انا جايبهولك هديه فرحك عشان يسكت //حط ايده في جيبه وطلع الفلوس كامله //خدي يستي فلوسك اهي وخاتمك اهو بسمه ردتهم منه مهي بتسمع الكلام ومش بتخرج منغير مسدسها حتي لو راحه اخر الشارع ولوعاتوقيع بيني وبين اخويا فانا مسامحك بس معرفش جوزك نظامه اي

//ولبسها الخاتم // وده متخلعيهوش من ايدك تاني عشان متنسيش ان ليكي اخ لو قامت الدنيا ضده هيهد الدنيا عشانك// واختفت تعابير وشي الغاضبه وابتسمت ببرائه تاني // يلا بقي عشان نطلع نطمنهم بره

سمر قامت من مكانها ونطت في حضن احمد وفضلت تعيط وهو يطبطب عليها بعدها بقت تضربه وهي بتعيط وعماله تقوله انت وحش انت وحش نت لي عملت فيا كدا وصالحتها ومسحت دموعها وغسلت وشها من حمام المكتب ورجعت طبيعيه تاني

انا : عشان تبقي تخلعي الخاتم بتاعي تاني يبت الحديدي

سمر : انا مس بت الحديدي انا بنت الحيني

وخرجت انا وهي وانا حاطط ايدي علي كتفها وحكيتلهم الللي حصل وخلص الحوار

جوز خالتي بيقوم : طب يلا احنا بقي

سحبت سمر الخنجر من نبوتي وطته علي رقبه ابوها : علي فين يحج انا خلصت حسابي ...انت لسه

جوز خالتي اترعب دي عايشه مع خمسه مجانين ممكن تكون اتعلمت منهم الجنون : بترفعي الاسلاح علي ابوكي يسمر؟؟

سمر : لا يحج انت نسيت اني حلفتلك يوم الفرح ان لو قامت حرب بين الحديدي والحيني انا هبقي بنت الحيني

دخل ابويا : وبنت الحيني رافعه سلاح علي راجل ليه؟؟

سمر : بنت الحيني مره بميه راجل من اي رجاله الا من رجاله الحيني واللي يغلط في ابويا نطير رقبته

ابويا : نزلي سلاحك يبنتي انا لو عاوز حقي ناخده برمشه عين والكل عارف

نزلت سمر السلاح : اوامر يابا ....

وانتهي الموقف واتفض المولد



الكاتب("يوكراين اختصاراً يوكي"): انا زهقت من التفاصيل وزهقت من الفلاش باك ده بس كان لا بد منه فهسرع الاحداث عشان انا اتبضنتلكم ......ولو عاوزيني ارجع افصل كدا تاني ابقو قولولي



في وقت المغرب قاعد احمد وابوه في البرنده

الحاج حمد : الا صحيح يلا اي المصلحه اللي كنت عاوزني عشانها الصبح

احمد : تصدق انا نسيت

الحاج حمد : احكي احكي

احمد اتعدل وقعد وبص لابوه بجديه : بص يابا احنا عالم نفهم في الزراعه .....بس التجاره تلتين الرزق يبقي نزرع ونتاجر في زراعتنا بدل ما نزرع ويجي التاجر يكسب من ورانا هبره كبيره واحنا ناخد الفتافيت؟؟

الحاج حمد : كمل

احمد :انت الزرعه دي هتسيبهالي اانا ابيعها ..اعتبرني انا تاجر وشوف فرق المكسب من السنادي للي فاتت

الحاج حمد : موافق

احمد : بس علي شرط

الحاج حمد : اشرط لو كسبت جامد انا هاخد نص فرق المكسب من السنادي للسنه اللي فاتت

الحاج حمد سكت شويه : موافق

بالليل في اوضه محمود وسمر محمود عامل نفسه نايم ومديها ضهره

سمر : محمود

محمود: .......

سمر : محمود والنبي رد عليا

Sponsored by: