/>
فيصل :
وده دليل يثبت ان اللى حط البضاعة فى مكانى
هو نفسه اللى رمى الجاكيت على سريرى
وانا نايم ليبعد الشبهات عنه
نسيت حضرتك من شوية انا قلت
قلعت قميصى الصبح لما هربت من القسم
ورميته للمكوجى
رغم كدة ركبت مع دورية شرطة توصلنى الجامعة
واللاسلكى كان شغال معاهم ويقول اوصافى
وعشان مكنتش لابس القميص
الدورية وصلتنى للجنة
يعنى بعدت عنى الشبهة
طب لو كنت عند حضرتك الصبح
وقلت لك اروح احضر اخر مادة للامتحان .
هل كنت حتسمح لى ؟

النيابة :
على العموم وقت مطاردتك ف الشارع من قبل الشرطة
كان فيه اكتر من كاميرا مراقبة
جارى تفريغ المادة الفيلمية
حيتم عرضها على المختصين ف المعمل الجنائى
ووقتها نشوف انت ولا حد غيرك

فيصل ...
وهل فكرك لو اللى ظهر ف الكاميرات حد غيرى
هل حيبعد عنى الشبهات عن حيازة الممنوعات ؟

النيابة :
ده شيء اخر
هل عندك اقوال اخرى

فيصل :
ايوة عندى
فيه شخص عندى فى نفس الاوضة
ظهرت عليه علامات الغنى من فترة
شفته كام مرة بتكون قدامه فراخ او كباب
وغير تليفونه احدث موديل
وف البلد حالتهم المادية زفت
معاهم دكان بقالة ع القد
انا بادى فكرة مش اكتر
يعنى مش بأشير عليه باصابع الاتهام
ومعاه واحد من نفس الاوضة كان بيشاركه قعداته كتير
اما الاخ الرابع كان ف حاله

النيابة :
مين تقصد بالشخصين ؟

فيصل :
الشخص الاول اسمه منصور الراوى
والشخص التانى اسمه حسن بسطاوى

اما اللى ف حاله فده بعيد كل البعد

النيابة :
ليه بتقول بعيد كل البعد ؟

فيصل :
اسمه ناصر صديق
خلص امتحانات من يومين ورجع بلده

النيابة :
عندك اقوال اخرى ؟

فيصل :
باطالب بالعدالة

وكيل النيابة : للكاتب
اكتب الفقرة الختامية الاخيرة
ويتم حيس المتهم 15 يوم للتحقيق

****************
يعدها ياخدو فيصل ويدخلوه الحبس

تانى يوم يوصل الخبر لابوه
الراجل يصاب بازمة قلبية ويموت فيها

بعد كام يوم يسمع فيصل بموت ابوه
وكان حيتتجن عايز يخرج
على الاقل يوقف فى عزا ابوه يواسى امه

وبعد اسبوع من وفاة ابوه
تيجى امه لزيارته
والظابط يسمح لها تقعد معاه لوحدهم
وفيصل وامه كانو بيبكو

امه:
عارفة انك برئ يا حبيبى
عمرك ما بتعمل غير الصح
واى حاجة وحشة ملكش فيها
بس اللى عمل كدة معاك قتل ابوك
اوعى تسيب تار ابوك
لازم تنتقم منه

لازم تحرق قلبه على ابوه وامه
انا جيت عشان اقولك الكلام ده
واشوفك لاخر مرة يا ضنايا
اوقف مع المظلوم
وخد حق ابوك
وفجاة تجيلها ازمة وبتقول الشهادة
وتنزل رأسها على صدر فيصل

ويصرخ فيصل اماااااااااااااااااااااا



.

!!!!!!!!!!!!!!الانتقام المر !!!!!!!!!!!!!!!!!!!

************* الفصل الثالث

بعد وفاة ام فيصل
وبرضو مقدرش يكون حاضر لا جنازة ولا عزا
زاد سخطه وغضبه
واقسم انه حينتقم
وحيتحول لانسان تانى خالص
من فيصل الغلبان لوحش كاسر

ولما رجع الزنزانة
كان فيه واحد غلبان كل شوية جماعة بيضربوه
وهو مش بيقول الا مش عارف حاجة
اللى بيضربوه يسألوه
من كان قاعد معاه
طب متعرفش حط الشنط فين
مشفتش مين اخد الشنط منه
والراجل مشفتش حاجة
هو كان قاعد بين النخلتين
بعدها جت ناس تطارده وضربوه بالنار
وانا معرفش اى حاجة

فيصل كان فى قمة غضبه
وراح قايم وفش غليله ف الجماعة دول
واخد الراجل الغلبان ف طوعه
ومحدش قدر منهم يقرب منه
وابتدى يحكى لفيصل الموضوع
وقال له على كل اللى حصل بالتفصيل
وكان اسمه صابر
وعرف منه عنوانه

فيصل:
طب انت هنا ليه ؟

صابر:
حد حط لى شريط برشام فى جيب جاكتتى
وعند الكمين فتشونى ولقيوه معايا جابونى هنا

باب الزنزانة يتفتح
عسكرى :
زيارة يا عم صابر

يطلع صابر شوية
ويرجع معاه علب اكل وعصير

يفرش الاكل مع فيصل وكام واحد غلبان

والاكل كان لحمة ومنبار محشى رز بكبدة

تانى يوم
صابر راح النيابة
اللى افرجت عنه عشان الشريط طلع مضروب

وطلع من القسم فرحان
لكن يا فرحة ما تمت
خبطته عربية ومات فيها
وفيصل لما سمع بالحادثة
ضرب الناس اللى كانت بتضربه ضرب موت
وعملهم ارتجاج بالمخ
واتعرض على النيابة واتعملت له قضية تانية

اتعمل تحريات على موضوع جريمة فيصل
واتضح انه مظلوم
واللى كانت بتجرى وراه الشرطة مكنش فيصل
بعد تفريغ كاميرات المراقبة
الشخص اللى بيجرو وراه كان شعره قصير
لكن وقت القبض على فيصل كان شعره طويل
وفى لقطة واضحة بينت مين الشخص ده
واتقبض عليه وكان منصور الراوى
وبعد التضييق عليه اعترف

النيابة استدعت فيصل من الحبس

اولا تمت تبرئته من التهم الموجهة اليه بخصوص المضبوطات اللى لقيوها فى مرتبته وسريره

وتوجيه جنحة ضرب المساجين فى الحبس الاحتياطى
وتحديد جلسة لمحاكمته

********************************************

بعد شهرين
جلسة فيصل
حكمت عليه بالسجن لـ 6 شهور
واحتساب الفترة اللى كان محبوس فيها

وبعد انقضاء المدة
خرج فيصل من السجن

يرجع فيصل بيته بعد نص الليل
حزين وبيبكى بحسره
على موت امه وابوه بحسرتهم عليه
واقسم انه حينتقم من منصور اشد انتقام

ويرجع فيصل بذاكرته
لليلة القبض عليه
بيفتكر ويركز

ايوة سمعت خبط باب الاوضة
وسمعت منصور بيقول لحسن
اعمل نفسك نايم بسرعة
ويحس بحاجة تترمى جنبه
فتح عيونه وشاف جاكيت منصور

ايوة منصور اللى عملها
وحسن معاه
ماهو باين عليهم من فترة ان معاهم فلوس
بيسرفو وبيجيبو احسن اكل
اكيد هما السبب
يااااه انا كنت عبيط للدرجة دى


ويفتكر فريدة
غمض عيونه ورجع بذاكرته

فريدة:
ايه يا فيصل ...مفيش جديد
نوم ومذاكرة وشغل

فيصل :
الايد البطالة نجسة يا فريدة

فريدة :
عشان كدة انا بحبك يا حبيبى
ويا ترى بعد ما تشتغل محامى
حتعرف تفتح بيت وتصرف عليه
ولا حتشوف شغلانة تانية
انا باقول ايه تفتح قهوة ...ههههههههه

فيصل :
لا انا مش حافتح قهوة
انا حافتح اوضة من البيت
اعملها محل لاى نشاط
ماهو البيت عندنا واسع يا حبيبتى

فريدة :
لما نتجوز ابوك وامك حيعيشو تحت
واحنا نعيش فوق
حاشيل اهلك فوق رأسى يا حبيبى

فيصل :
هانت تخلص السنة دى
وانا مليش جيش
حاجى علطول بيتكم اخطبك طوالى

فريدة :
ياااه يا حبيبى امتى يجى اليوم ده

بعدها يغلبه النوم وهو بدمعه


*************************

يصحى من النوم
وقبل ما يقوم يسرح ف حاجة

كان قاعد مع صابر

فيصل :
ما تحكي لى هما عايزين منك ايه

صابر :
والـله ما عارف عايزين ايه
بيسألو شفت ايه وكيس قماش ايه
وانا مش فاهم حاجة
حتى اتقبض عليا ومش عارف ليه اصلا
عشان ايه مش عارف برضو
بيقولو لقيو ممنوعات ف البيت كمان
غير شريط لقيوه ف جيبى
وقالو انى باتاجر فيها

فيصل :
ممنوعات ايه

صابر :
اشى بانجو ولا حشيش مش خابر

فيصل :
انت من فين يا عم صابر

صابر :
انا من نجع الطويل م الاقصر

فيصل :
احسن ناس
ممكن كدة تركز معايا وتحاول تتذكر حصل ايه
او هما بيسألوك عن ايه

صابر :
انا شغال سكرتير مالى ف مدرسة بقرية الكرنك
وانا وراجع لنجع الطويل
وبناخدها تخريمة وسط المعابد وطريق الكباش
كان فيه واحد واقف وعديت جنبه
رديت عليه السلام وهو مردش اصلا
بس مشيت ودخل وسط الكباش بين نخلتين وقعد مكانه
وبعد كام دقيقة لقيته بيجرى وناس بتجرى وراه
واتضرب بالنار ووقع جنب منى
انا خفت م اللى بيحصل واغمى عليا وقعت جنبه
هو ده كل اللى انا فاكره
بعدها فوقونى شرطة الاثار
ولما جت الشرطة بيسألونى
قلت انا معرفش اى حاجة والاخ اللى اتقتل معرفوش
ولا ليا اى علاقة بيه
والتحريات اثبتت انها مجرد مصادفة
وان ده طريقى بتاع كل يوم
وحرس الاثار شهدو معايا

فيصل :
اللى بيضربوك هنا ايه دخلهم بكدة

صابر:
جونى البيت وسألونى عن واحد اسمه رفيق الحداد
وانا لا اعرف حداد ولا نجار
وبعدين عرفت ان هو اللى اتقتل
وعايزينى افتكر مين كان معاه
او الشنطة بتاعته فين

فيصل :
شنطة ايه

صابر :
بيقولو كان معاه شنطة وكيس قماش صغير
وانا يا ابنى لا شفت شنطة ولا كيس قماش

فيصل :
هو الطريق اللى بتعدى منه فيه نخل وشجر

صابر :
دول نخلتين مفيش غيرهم
والعيال بتحدفها بالطوب عشان البلح
ومش بتوع حد عشان جاية فى مكان اثرى

***********************
اهل البلد عرفت ان فيصل خرج ورجع بيته
قرايب فيصل منقسمين
منهم اللى كان مصدق اللى حصل
وكتير منهم مقتنعين ان فيصل ميعملش كدة
وابتدو يزوروه ويواسوه


فكر فيصل فى كلام صابر
اخر النهار راح نجع الطويل
وعرف طريق التخريمة
اللى بين نجع الطويل وقرية الكرنك
وعرف النخلتين
وهو مش عارف بيعمل ايه ولا بيدور على ايه
وراح ووقف ما بين النخلتين
وابتدى يفكر ويكلم نفسه
ايه السر وايه اللى حصل
وليه عم صابر كل يوم كان بيتضرب
وشنطة ايه وكيس قماش ايه اللى بيسألوه عليه
وقال لنفسه ميكونش الشنطة كان فيها اثار
مش جايز يكون فيها مخدرات
انا حارمى نفسى ف المهالك عشان وهم

ارجع اشوف حالى واشوف لى شغلانة للقمة العيش

فيصل كان ماشى لكنه شاف فاس قديمة مرمية قدامه

فيصل....
ايه اللى بيحصل ..كبر دماغك يا راجل
كمل طريقك وريّح دماغك

لكن الفضول عنده كان اقوى
اخد الفاس ورجع للنخلتين
واول ما وصل هناك
حرس الاثار كانو جايين ناحيته


!!!!!!!!!!!!!! الانتقام المر !!!!!!!!!!!!!!
!!!!!!!!!!!!!!!الجزء الرابع !!!!!!!!!!!!!!!!


.حرس الاثار وصلو جنب سعد

وبسرعة يرمى الفاس
وينزل يدور ع البلح الساقط ع الارض

عسكرى :
بتعمل ايه يا اخ

فيصل:
باكل من البلح
مش جايز اللى زرعهم محتاج له صدقة
اهو ناكل ونترحم عليه

عسكرى 2 :
بس خلص وشوف حالك
ممنوع حد يعدى من هنا بعد المغرب

فيصل :
لا خلاص انا حامشى علطول ورانا مصالح

وتمشى العساكر
عسكرى بيقول للتانى...
احنا حنتاخر هناك يا عاطف

عسكرى 2:
هما ساعتين لا يزيدو ولا ينقصو
نخلص معاهم وناخد حسنتنا ونمشى

الدنيا ابتدت تضلم
وفيصل واقف عند النخلتين وشايف العساكر
والعساكر ركبت مواصلات

يروح يسحب الفاس
ويضرب ف الارض ويحفر
وبعد نص متر الفاس تخبط ف حاجة
يطلع تليفونه ينور
ويلاقى شنطة سفر كبيرة وشنطة صغيرة
وبعد ما يسحبهم وينفضهم
يرجع ويردم الحفرة ويسوى الارض
ويقول الحمد للـه محدش م العساكر سألنى عن اسمى
ولا طلبو يشوفو بطاقتى
يا ترى الشنط فيها ايه
يرمى الفاس ويسحب الشنط ويركب السيرفيس
ويقعد اخر كرسى
عايز يفتح الشنط عشان يعرف فيهم ايه مش عارف
كل ما يفضى الكرسى يجى ركاب غيرهم
لحد ما يوصل موقف ارمنت غرب
وهناك يشوف الشنطة الصغيرة ويجى يفتحها
لكن مقفولة برقم سرى
والكبيرة كمان زيها
طب ياخد عربية مخصوص
مفيش فلوس معاه كفاية
يقول توكلنا على الـله ويركب مواصلات

ربنـا سترها معاه ومفيش اى كمين فتش العربية
ومن عربية لعربية لحد ما وصل البيت

وهناك جاب مفك وايد الهون
وكسر قفل الشنطة الكبيرة
ولما فتحها ...ابتدى يضحك م اللى شافه
قمصان نوم حريمى وحمالات صدر
وابتدى يضحك بصوت عالى
يعنى دى حيكون فيها ايه
اكيد كلوتات
ويكسر قفل الشنطة التانية
ويضحك بشكل جنونى
فعلا فيها كلوتات حريمى
وهو فطسان من الضحك
الباب يخبط
ويمسك نفسه من الضحك ويقفل الاوضة
ويفتح الباب
يتفاجئ بمين ع الباب


فيصل :
ايوة مين انت ..مش فاكرك

شخص :
انا ناصر صديق .. زميل دراستك ويلدياتك

فيصل...يفتكر.. ويسحب الاخ من رقبته
ايوة افتكرت
وكنت ساكن معايا ف الاوضة
وشربتونى المقلب وانا شيلت الليلة

ناصر :
مقلب ايه وليلة ايه
انت نسيت انى وقتها كنت ف البلد
خلصت امتحانات قبلكم ورجعت البلد
واللى حصل كان ف غيابى

فيصل :
وانا ايه عرفنى
مش يمكن كنت متوالس معاهم

ناصر:
هو انا اصلا كنت باخلط معاهم حتى ف كلام
مكنتش باتكلم الا معاك..احنا يلديات وقرايب

وبعد ما يهدى فيصل شوية
وناصر اقنعه انه ملوش دخل باللى حصل

ناصر :
انا اصلا مكنتش مصدق انك تعمل كدة
لما كنت ف الحبس هنا
رحت لك كام مرة زيارة وانت بترفض
ورحت لك سجن الوادى وبرضو رفضت زيارات

فيصل :
ايوة انا كنت بارفض اى زيارة
عشان تبقى زيارة امى اللى ماتت بين ايديا
هى تبقى اخر زيارة عشان منساش اللى حصل

وبعد شوية ناصر يمشى ويقول له حاجيك علطول



ويرجع فيصل للشنط ويكمل ضحك
يعنى عم صابر اتحبس عشان شوية قمصان نوم وكلوتات ولا ايه العبارة
ويروح يرجع الحاجة جوة الشنط
وقال اما اروح ارميهم ف اى خرابة
وقبل ما يوصل باب البيت
يحس ان الشنط تقيلة
يقول هى ليه الشنط تقيلة كدة
يرجع تانى يفضى الشنط ويرفعهم بايده
ايوة تقيلة وهى فاضية
يجيب سكينة ويقطع ف الجيوب الداخلية للكبيرة
لحد ما يلاقى انها مليانة دولارات
يطلعهم ويعدهم يلاقيهم 100 رزمة

ويقول مش مهم ..اما اشوف التانية
ويقطع التحابيش الجوانية
ويتفاجئ ان فيها ألماظ
يقول ...
مش ممكن يكون فالصو
ماهو لو فالصو ليه يخبوهم ويردمو عليهم

ويقضى ليلته وهو بيفكر يعمل ايه ولا ايه

الصبحية ومن غير عينه ما تشوف النوم
وبعد ما يفطر
يطلع لشارع الصاغة ف ارمنت
ويدور على محل صاغة متطرف شوية
يطلع الف دولار

فيصل :
هو ممكن تغير لى دول

الصايغ :
احنا على قدنا
ممكن لو 100 لكن لو اكتر صعب الصبحية
المحل مفيهوش فلوس

فيصل...
خلاص غير لى 100 عشان يبقى عربون تعارف

الصايغ...
انت معاك منه تانى

فيصل...
يعنى يجى 50 الف

الصايغ يقوم يقفل الباب

الصايغ...
ممكن لو كام يوم اكون جهزت لك المصرى
ما انت عارف الدهب بنجيبه بالعملة الصعبة

فيصل...
انا حاستفسر عن حاجة تانية
ولو انت كنت صادق معايا استنى عليك

الصايغ ...
انا ف خدمتك لو كنت اعرف حافيدك

فيصل...
بص كدة من غير لف ولا دوران
تشوف لى الفص ده تمنه كام

الصايغ ياخد فص الالماظ
ويطلع منظاره ويقول...
ولو اننا ملناش فيه
ده فص الماظ حر وتمنه ميقلش عن نص مليون دولار

فيصل...
طب لو عايز ابيعه اعمل ايه

الصايغ...
صدقنى حضرتك ده فوق طاقتى

فيصل...
بس تعرف توصل لحد يشتريه

الصايغ...
ايوة نعرف
بس المشكلة لو الموضوع اتوسع

فيصل...
بص يا معلم
انا حاسيب لك الفص
ومن غير اى ضمانات
لما تبيعه وبما يرضى الـله
نصيبك ونسبتك اللى تطلبه
بس انا مش حاظهر ف الصورة
وبعد ما تبيع
تجيب قصرية زرع وتحطها قدام المحل
والفلوس تكون جاهزة ف المحل

الصايغ...
صدقنى ..اخاف ولو محصلش تقول خيانة

فيصل....
لا مفيش خيانة
وابقى حول التمن لمصرى
السلام عليكم

الصايغ....
لا استنى استنى

لكن فيصل ياخد بعضه ويزوغ ف السوق





!!!!!!!!!!!!!!!الانتقام المر !!!!!!!!!!!!!!!!!!!

!!!!!!!!!!!!!!!الجزء الخامس !!!!!!!!!!!!!!!!!



الصايغ فضل يجيبها شمال يمين ومش عارف حصل ايه
وازاى الاخ ومن غير ما يعرف اسمه
ولا اخد تليفونه ولا اى بياناته
يرمى الالماظة ويجرى

ويقول لنفسه...
بس الظاهر معاه كتير وواثق من نفسه
اكيد حيخلى حد يراقبنى
انا اخلص نفسى بدرى بدرى
يمكن نلاقى حسنة حلوة ورا الموضوع ده


فيصل يروح مكاتب صيارفة ويبدل دولارات
يرجع اخر النهار وقدر يغير 20 الف دولار

الدولار كان بحوالى 30 جنيه
رجع ومعاه 600 الف جنيه

وصل البيت
ابتدى يفكر ف المرحوم صابر
يعمل ايه ويقول ايه
ما هو لازم اهله ياخدو حقهم
ف الاخر استقر قراره
مش حينفع غير الصراحة بس مش قوى يعنى
لكن بعد ما يخلص موضوع فص الالماظ

تانى يوم اشترى توكتوك مستعمل
وفضل كل يوم يروح يوقف قدام محل الصاغة
وبعد 4 ايام المحل اخد يومين ميفتحش
طبعا كان بيراقب الصايغ وعرف بيته
راح ناحية البيت
لقى مراته بتنشر الغسيل
يعنى الموضوع مفيهوش خيانة
لو خيانة كان هرب بعياله
وبعد كام يوم
الصبحية كان مستنى عند المحل
عم احمد الصايغ كان رايح يفتح محله
وكان معاه قصرية ورد
حطها قدام المحل وفتح محله
وقتها دخل عليه

فيصل...
صباح الخير يا معلم احمد

الصايغ...
اهلا اهلا يالباشا
الموضوع خلص على خير

فيصل ...
فين الفلوس

الصايغ...
الفلوس ف البيت
بعنا الحاجة على نص ارنب و30 الف

فيصل...
حلال عليك الـ 30 الف وعليهم زيهم كمان
يلا بينا اخد الفلوس

الصايغ...
ثوانى اكلم ام العيال وازوغها

ويطلع تليفونه

فيصل ...
افتح السبيكر

الصايغ...
ايوة يا ام أنور
مش قلت عايزة تروحى بيت اختك تزوريها
خلاص جهزى نفسك وعدى عليا المحل
وخدى معاك كل اللى محتاجاه معاك

وبعد ربع ساعة